تامر حسني يكشف عن نبوءة عادل إمام له

كتبت-بسمة مشالي:

حرص الفنان تامر حسني على مشاركة جمهوره صورة مقربة لقلبه جمعته بالزعيم عادل إمام، وذلك عبر صفحته الشخصية بموقع التواصل الاجتماعي "انستجرام".

وكشف خلال التعليق الذي أرفقه بالصورة عن اللقاء الذي جمعه بالزعيم في أحد الأفراح،وسر ضحكته وكيف تنبأ له بالنجومية.

وعلق تامرعلى الصورة قائلا: " إني أضحّك الزعيم بالشكل ده يبقى أنا مش سهل ولامؤاخذه ، حبيبي يا زعيم، يارب دايماً فرحان كده.

مفيش أي سبب لنزول الصورة غير إني شفتها بالصدفة، وافتكرت يوم ماشوفت الأستاذ عادل وانا لسه في أول طريقي وطبعاً مكنتش مصدق اني واقف معاه من كتر ما بحبه".

واستكمل" قالي افتكر كلامي كويس يا تامر انا بحبك وهتنجح وهتوصل لأحلامك والصورة دي وأنا في نص مشواري".

واستطرد "كانت في فرح بغني فيه وكان فيه فنانين كتير محدش فيهم قام يسلم أو يفرح معانا إلا هو الوحيد اللي قام، وجالي وفضل يهزر معايا واهزر معاه وبصراحه فرحت عشان عرفت أضحكه بالشكل ده ومال عليا كده وقالي فاكر كلامي وحضني زي ابنه، حسيت بس إني عايز اقولكم اني بحبه جداً" "