" مش عايزين نتعامل بالقطعة".. حازم إمام: "فيتوريا لديه مشروع مع منتخب مصر"

كتب- محمد أبوالمجد:

قال الكابتن حازم إمام، عضو مجلس إدارة اتحاد المصري لكرة القدم، إنه دائمًا ما يكون التفكير بأنه يتم التعامل مع المدير الفني لمنتخب مصر بمنطق القطعة أو اللعب لمباراة أو اثنين ويتم التغير لتحقيق رغبة المشجعين، مضيفًا: "جايين هدفنا مش موضوع انتخابات أو جمعية عمومية بس هدفنا الأساسي إننا نعمل حاجة للمصلحة العامة حتى لو إحنا مش قاعدين بس عايزين نعمل حاجة لقدام نفسنا فيها من زمان إننا نشوفها".

وأوضح "إمام" في مداخلة هاتفية لبرنامج "مساء دي إم سي" على فضائية "دي إم سي" اليوم الأربعاء: "لازم نبقى زي العالم المحترم في كرة القدم ونجيب مدرب يقعد 4 سنين، وأكبر مثال منتخب السنغال ومدربه الموجود مع الفريق منذ 7 سنوات ولم يحصل على أي بطولة سوى البطولة الأخيرة"، متابعًا: "عيبنا إن لا الإدارات بتصبر ولا الناس بتصبر، وإحنا عايزين نعمل حاجة مختلفة بأن المدير الفني لمنتخب مصر يكون لديه مشروع والراجل يبقى هادئ ميبقاش خايف من أي ماتش لأحسن يمشي بعده أو من البطولة الجاية لأحسن يلعب وحش فيتم إقالته".

وأكد: "هدفنا النزول بسن اللاعبين والعمل على إخراج لاعبين أكثر، والمدير الفني روي فيتوريا تحدث في المؤتمر الصحفي عن فكرة فريق العمل، صلاح في حته تانية ونتمنى يكون عندنا زيه، وفيتوريا تحدث عن الفريق ككل عشان أي لاعب يكون عنده طموح يبقى في منتخب مصر".