وجه الإعلامي أحمد شوبير رسالة قوية بشأن الحكم محمود ناجي، الذي يدير مباراة الزمالك وأبو قير للأسمدة، المقرر إقامتها اليوم الثلاثاء، ضمن منافسات الجولة الرابعة من بطولة الدوري المصري الممتاز.
تصريحات أحمد شوبير
وقال شوبير خلال برنامجه الإذاعي، إنه يرفض حالة التربص بالحكام قبل انطلاق المباريات، مشددًا على ضرورة منحهم الفرصة لأداء مهامهم بعيدًا عن الضغوط الجماهيرية.
وأوضح: «يا جماعة مش عايزكم يكون في تربص بالحكام من قبل المباراة، لأن لما ببص على الرسايل دلوقت لقيت واحد بيقولك: محمود ناجي حكم مباراة الزمالك وأبو قير للأسمدة، يبقى مبروك على الزمالك الـ3 نقاط مقدمًا».
وأضاف شوبير: "مش عايزين القصة دي تكون موجودة، ومش عايزين السيف يبقى مسلط على رقبة الحكام. مفيش حكم عايز يبقى وحش، ومفيش حكم مش عايز يكون موفق، لكنه أحيانًا التوفيق بيغيب، وأحيانًا الصفارة بتبقى غلط".
وتطرق شوبير إلى الجدل المتكرر حول انتماءات الحكام للأندية، قائلًا: "بلاش ده حكم أهلاوي وده حكم زملكاوي، والله ما في حكم لا أهلاوي ولا زملكاوي في الملعب، الحكم عايز يبقى أحسن واحد في الملعب، والحكم زيه زي اللاعب".
ضرورة مساندة الحكام
وشدد بالتأكيد على ضرورة مساندة منظومة التحكيم خلال الفترة المقبلة، مشيرًا إلى تصريحات عصام عبد الفتاح الأخيرة، والتي طالب خلالها بمنح الحكام فترة من الوقت لتحسين الأداء، قائلا: "ساعدوا الحكام شوية، زي ما الكابتن عصام عبد الفتاح طلب إمبارح وقال اصبروا علينا شهرين تلاتة، وقال نصًا أنا مستلم تركة كارثية بالحرف كده، فساعدوني، يبقى الراجل عارف القصص كلها والحدوتة كلها شكلها عامل إزاي".
اقرأ أيضا:
بالتفاصيل.. رعاية جديدة على قميص الزمالك في مواجهة الليلة أمام أبوقير
"اقتحام الصدارة".. الموعد والقناة الناقلة لمباراة الزمالك وأبو قير للأسمدة
