"كنا خلصنا بقى".. اشتباك أحمد شوبير مع جماهير الأهلي بسبب أوفا

أثار الإعلامي أحمد شوبير حالة من الجدل بين مستخدمي منصة «إكس»، بعد دفاعه عن نجله مصطفى شوبير، حارس مرمى الفريق الأول لكرة القدم بالنادي الأهلي، في ظل حالة النقاش المثارة حول مستقبل اللاعب مع القلعة الحمراء.

تصريحات أحمد شوبير

وكتب أحمد شوبير عبر حسابه الرسمي على منصة «إكس»: «إحنا مش كنا خلصنا من موضوع الاسكربتات ده؟»، في إشارة إلى ما وصفه بتكرار التغريدات التي تتناول أزمة عدم تجديد عقد نجله مع النادي الأهلي حتى الآن.

وتفاعل عدد من جماهير الأهلي مع منشور شوبير، معبرين عن غضبهم من موقف مصطفى شوبير بشأن تجديد عقده، واعتبر البعض أن اللاعب يماطل في حسم مستقبله مع القلعة الحمراء.

جماهير الأهلي ترد على شوبير

ووجه أحد الحسابات ردًا إلى أحمد شوبير، قائلًا: «الأهلي خيره عليه، لولا الأهلي مكنش بقى مصطفى حارس مصر الأول، وإنت يا كابتن عارف كده كويس. عيب لما يبقى ابن النادي عايز قانون جديد بشرط جزائي.. عيب يا كابتن، عقل مصطفى».

فيما كتب مشجع آخر: «إسكربتات إيه يا كابتن؟ أنا قبل كده كتبتلك ورديت عليا وبتضحك كأنك بتقلل من آراء الجمهور. جمهور الأهلي عمره ما هيبقى موجه، كله بيكتب رأيه. ورأينا إن مصطفى بيلوي دراع الأهلي اللي عمله بعد ربنا، وإنت بتعشم الجمهور بأي كلام».

وأضاف مشجع ثالث: «بصراحة اللي بتعملوه ده زي اللي عمله إكرامي بجد. الشناوي يسوى نور العين الأهلاوي بجد، ياما جاله عقود احتراف بفلوس أكتر من اللي جاية لمصطفى، بس هو اختار الأهلي وجماهيره اللي بتقف معاك قصاد أي حد».

اقرأ أيضا:

قبل موقعة دوري الأبطال.. أول قرار من مدرب الزمالك بعد الفوز على بتروجيت

الشنكار يثير الجدل.. لقطة غريبة لم تُذع من مباراة الزمالك والسويس بتروجت