"دول عصابة".. مهاجم الزمالك للناشئين يفتح النار على النادي بعد رحيله

وجه أنس وائل لاعب الفريق الكروي بنادي الزمالك السابق انتقادات لمسئولي القلعة البيضاء، عقب قرار الاستغناء عن خدماته قبل انطلاق الموسم الجديد.

ونشر أنس رسالة عبر ستوري حسابه على موقع تبادل الصور والفيديوهات "إنستجرام":"السلام عليكم أنا أنس وائل بعد 14 سنة داخل نادي الزمالك، بلغوني دلوقتي قبل القيد بكام يوم إني مش هبقى معاهم، وده طبعاً بعد ما شالوني من القائمة الأولى".

وأضاف:"بقيت لاعب حر ومن حقي أمضي في أي نادي براحتي كلموني وقالولي ده حصل بالغلط، وإنت مستقبل النادي وابن النادي وروحت المعسكر ولاقيت أندية كانت بتتفاوض معايا عشان خاطر إني زملكاوي والناس اللي تعرفني هتعرف قد إيه أنا زملكاوي بس دول عصابة وأنا لسه هحكي كل كبيرة وصغيرة حصلت معايا حسبي الله ونعم الوكيل".

ويبلغ أنس وائل من العمر 21 عاماً ويجيد اللعب في أكثر من مركز هجومي على الجناحين، كما يمكنه اللعب في مركز المهاجم.

موعد مباراة الزمالك الأولي في الموسم الجديد

ويستعد الزمالك لانطلاق مشواره في الموسم الجديد من الدوري المصري، إذ يواجه الاتحاد السكندري يوم الجمعة 21 أغسطس المقبل في بداية رحلة الفريق للدفاع عن لقبه.