"مش هتاخد منه كورة".. حازم إمام يطالب الزمالك ببيع خوان بيزيرا

تحدث حازم إمام، نجم الزمالك ومنتخب مصر السابق، عن أزمة خوان بيزيرا لاعب الفريق، في ظل الأنباء المتداولة حول رغبة اللاعب في الرحيل عن القلعة البيضاء خلال الفترة الحالية.

ويرى حازم إمام أن الزمالك قد يستفيد من الناحية الاقتصادية في حال وصول عرض بقيمة 6 ملايين دولار لضم اللاعب، خاصة في ظل الأزمات المالية التي يعاني منها النادي خلال الفترة الماضية.

تصريحات حازم إمام

وقال حازم إمام، خلال تصريحات عبر إذاعة «أون سبورت»: «بشوف فكرة إنه لو جالك 6 مليون دولار، ولو جاله 6 مليون فعلًا، أنا معرفش ده صح ولا غلط، وهو بيقول لك أنا مش عايز وعايز أمشي».

وأضاف: "صدقني محدش بيقعد، بيبقى دايمًا غصب عنك هتقعد، مش هتاخد منه كورة".

وتابع نجم الزمالك السابق: "ده وجهة نظري، ممكن يبقى ضغط، مفيش حد يعني صبور أنا بقوله خُد الـ6 مليون وبيعه".

وأوضح حازم إمام أن الموافقة على بيع بيزيرا قد تكون في مصلحة الزمالك من الناحية المالية، قائلًا: "لأن ده هيبقى في صالحك أنت أولًا، هتقعد السنة دي كلها مستقر ماديًا، مفيش بقى فلوس بتتأخر".

المطالبة ببيع خوان بيزيرا

وأشار إلى أن رحيل اللاعب قد يؤثر على الفريق من الناحية الفنية، مضيفًا: "اللعيب هيأثر آه، ممكن متكسبش الدوري السنة دي، بس هتبقى مرحلة انتقالية إنك تدخل السنة الجاية معاك فلوس، مفيش مشاكل عندك خالص، ومجهز نفسك للموسم الجاي بشكل كويس".

واختتم حازم إمام تصريحاته بالتأكيد على أن الاستفادة المالية من الصفقة قد تمنح الزمالك فرصة لترتيب أوضاعه، قائلًا: "السنة دي كلها تبقى فترة أنت مشاكلك المادية محلولة تمامًا تقريبًا، يعني رقم كبير حوالي 300 مليون جنيه أو حاجة، الـ6 مليون دولار رقم كبير جدًا، هنحل بيه مشاكل كتيرة جدًا، وهيخليك طول السنة مرتاح وهادي، ومعندكش مشاكل".

اقرأ أيضا:

هل حرّض جون إدوارد اللاعبين على التمرد؟.. الزمالك يحسم الجدل

البداية.. موعد مباراة الزمالك والبلاستيك الودية استعدادا للموسم الجديد