"كنت بقوله يا أبو مكة".. والدة زيكو تكشف تفاصيل مساندتها له وحبه لصلاح (فيديو)

كشفت والدة مصطفى زيكو، لاعب منتخب مصر، كواليس بدايات نجلها في كرة القدم، مؤكدة أنها كانت تؤمن بموهبته منذ الصغر، وكانت تتوقع وصوله إلى مستويات كبيرة.

وقالت والدة اللاعب، في تصريحات خاصة لـمصراوي، إن مصطفى انتقل إلى صفوف الفريق الأول لجمهورية شبين الحمد لله، أول ما راح جمهورية شبين أثبت نفسه، وكان بيسجل أهداف، والكابتن ما كانش بيقعده احتياطي".

وأضافت: "كنت أنا وخاله بنروح نتفرج عليه في المباريات المهمة، وكنت دايما أسمع المدربين يشكروا فيه، ويقولولي إن شاء الله هيكون لاعب كبير، هو بس محتاج فرصة وحد يشوفه في الدوري الممتاز".

وأوضحت: "كنت مستبشرة بيه خير من زمان، ومن وهو عنده 17 سنة كنت بناديه (أبو مكة)، لأنه كان فيه شبه كبير بينه وبين محمد صلاح، وأنا من عشاق الكابتن محمد صلاح".

واختتمت والدة زيكو: "لما كان ييجي معايا الشغل، الناس كانت تناديه يا محمد يا صلاح، وكنت أضحك وأقول له إن شاء الله أشوفك يوما بتلعب جنب محمد صلاح".