"كانت عايزة تتخانق مع زيكو".. إمام عاشور يحكي أغرب رد فعل من والدته

قال إمام عاشور، لاعب منتخب مصر والنادي الأهلي، إن الانتقادات التي سبقت مشاركة منتخب مصر في كأس العالم لم تؤثر على اللاعبين، بل كانت دافعًا لهم لتقديم مستويات قوية ومواصلة المشوار في البطولة.

وأضاف إمام عاشور، خلال استضافته مع الإعلامية منى الشاذلي في برنامج "معكم" المذاع على قناة "ON": "ناس كتير كانت فاكرة إننا هنروح المونديال نلعب 3 ماتشات ونرجع، والكلام ده مقصرش فينا خالص، لكنه كان دافع لينا إننا نكمل في البطولة".

وتحدث لاعب الأهلي عن علاقته بأسرته خلال منافسات كأس العالم، قائلًا: "قبل وبعد كل ماتش بتواصل مع أسرتي، وأمي مش بتشوف ماتشات خالص، وبتقلق شوية لو حد خبطني، وممكن تخش تجيبه من التليفزيون".

وكشف إمام عاشور موقفًا طريفًا بعد تسجيله أول أهدافه في كأس العالم، قائلاً: "والدتي كانت عايزة تتخانق مع زيكو عشان هو زقني بعد أول جون جبته في المونديال وإحنا بنحتفل"

وروى "عاشور" تفاصيل هدفه الثاني في البطولة، موضحًا: "الجول التاني اللي جبته حطيت دماغي في الكورة ومشفتش الكورة جت جول ولا لأ، ولقيتها في الشبكة، والطبيعي إنه أحطها في الزاوية البعيدة لكنها جت في الزاوية القريبة".

اقرأ أيضًا:

بالصور.. توزيع أعلام مصر على الجماهير في الفان زون لدعم منتخبنا أمام بلجيكا

بالصور.. إقبال الجماهير على مونوريل العاصمة لمتابعة مصر وبلجيكا في الفان زون