"كنت بتزعل لما أطلع أقول يا أهلاوي".. الغندور يوجه رسالة لوالد زيزو

وجه ال إعلامي خالد الغندور، رسالة لوالد أحمد سيد زيزو، لاعب الفريق الأول للنادي الأهلي.

وكتب خالد الغندور غير حسابه الرسمي بموقع التواصل الاجتماعي "فيس بوك": "عائلة زيزو كلهم أهلاوية من أول والده لغاية زيزو و ده منذ الطفولة و لكن اللاعب راح الزمالك و اصبح نجم فطبيعي انه يحب المكان".

وأضاف: "ولكن ساب الزمالك و راح الأهلي و رجع لحبه من أيام الطفولة بس السوال لوالد زيزو لما كنت بطلع أقول ان زيزو و والده كانوا أهلاوية كان بيزعل و يقول بلاش كابتن خالد يقول كده ده لما كنت شغال في قناة الزمالك".

وأكمل: " طبعا دلوقتي الوضع تغير و علي العموم في الزمن ده كل واحد بيدور علي مصلحته و تصريحاته بتختلف علي حسب المكان و الزمان و التوقيت و سهل جدا تشوف التصريحات القديمة و التصريحات الحالية".

وأوضح: "وده مش علي زيزو و والده و لكن علي كثير من اللاعبين اللي انتقلوا من زمالك لاهلي أو العكس أو لما كانوا لسه خام في أنديتهم في بداية مشوارهم قبل الانتقال لأندية كبيرة".