"على جثتي مش هيلبس التيشيرت تاني".. ميدو يكشف موقفه من ذهاب زيزو للسفارة

كتب- محمد خيري:

كشف أحمد حسام ميدو، عضو لجنة التخطيط بنادي الزمالك، عن موقفه من أزمة أحمد سيد زيزو لاعب الفريق، وسبب عدم استكمال الموسم قبل الرحيل بشكل رسمي خلال الأيام القليلة المقبلة.

وينتهي عقد زيزو مع الزمالك، بنهاية الموسم الحالي، واقترب بشدة من الانتقال لفريق الأهلي، في صفقة انتقال حر.

قال ميدو، في تصريحات عبر بوتكاست "بخطين حمر": "اليوم اللي زيزو راح سفارة أمريكا، جريت على النادي وقولت مش هينزل التمرين على جثتي ان الراجل ده يلبس تيشيرت نادي الزمالك تاني ويتشرف بلبس تيشيرت الزمالك".

وأضاف عضو لجنة التخطيط:"زيزو لو كان موجود في ماتش ستيلينبوش الوضع كان سيصبح أسوأ فالجمهور لن يسكت وخسرنا المباراة لأن اللاعبين لم يكونون جيدين ولم يلعبوا بحماس وكذلك خطة المدرب".

وشدد ميدو على: "اللاعب اللي مش هيجدد، قبل انتهاء عقده، هيتباع، ومش نتفرق معانا كوبري أو غيره هيتباع".