"جوارديولا غلط".. تعليق مثير من رضا عبد العال على مشاركة مرموش مع السيتي

تحدث اللاعب السابق للأهلي والزمالك، رضا عبد العال، عن أداء المهاجم المصري عمر مرموش مع مانشستر سيتي ضد تشيلسي.

وقال رضا عبد العال في تصريحات خاصة "لمصراوي: "جوارديولا غلط لما بدأ بمرموش"

وأضاف: "مرموش لسة عامل الفحوصات الطبية من كام يوم، مكنش ينفع يبدأ أساسي قدام فريق زي تشيلسي".

وأوضح: "عمر المفروض كان يقعد على الدكة، ولما الماتش يدخل في الأجواء الصعبة ينزل آخر نص ساعة، عشان كدا انا مش مع جوارديولا النهاردة".

وأشار: "الغلطة اللي وقع فيها المدرب انهاردة أنه نزل الصفقات الجديدة أساسية، كان لازم ينزلوا آخر نص ساعة".

واختتم عبد العال: "مرموش لو لعب الماتش التاني أساسي ومعملش حاجة، هتلاقيه وقع نفسياً".