"عارفك متوتر".. مرتضى منصور يستضيف أوسوريو في منزله والأخير يفاجئه بهذا الطلب

استضاف مرتضى منصور، الكولومبي أوسوريو، المدير الفني للفريق الأول لنادي الزمالك، في منزله، من أجل حل أزمة مستحقاته المتأخرة.

قال مرتضى منصور خلال فيديو عبر قناة الزمالك خلال وجود الكولومبي أوسوريو: " سمعت أنك متوتر بسبب فلوسك المتأخرة، مجلس الإدارة عاوزك تكمل معانا، وعرضوا عليك انك تشرفني في البيت ونحل المشكلة".

أضاف "منصور": " اللي بيحب المكان مش لازم يبقى قاعد على الكرسي، انت مستمر معانا ومكمل لموسمين، انت مدير فني محترم وعندك جهاز محترم، أسبوعين ثلاثة والأزمة المالية هتتحل انا بطمنك".

أوضح: " الزمالك مش مرتضى منصور، سواء استمريت أو مشيت انت ملكش علاقة، الأزمة في الزمالك ملهاش علاقة بعدم وجود سيولة مالية، الأزمة سببها الحجز على أرصدة النادي وهتتحل".

ومن جانبه قال الكولومبي أوسوريو خلال نفس الجلسة: " أشكرك أنك منحتني الفرصة لتولي تدريب الزمالك، فخور إني اشتغلت معاك ومع الفريق لابد من اللعب دائم بكرامة وكبرياء، وبشكر جماهير الزمالك".

أتم أوسوريو تصريحاته: " بقول تاني لسه محتاج 3 أو 4 صفقات لتدعيم الفريق عشان الموسم الجديد، ونقدر ننافس على البطولات، اللاعبين الحاليين دورهم كبير ولكن نحتاج أيضا للتدعيم".