"هي فلوس الأهلي حرام؟".. رضا عبد العال لـ مصراوي: "كلامي بيقف في الزور ومبياخدوش به"

قال رضا عبد العال في تصريحات خاصة لـ "مصراوي": "موديست محتاج يمشي لإن كولر أصر عليه وبيديله الفرصة دلوقتي، رغم إن مفيش أي بوادر أمل طب ما إنت كنت صبرت على محمد شريف أو شادي حسين أو حسام حسن، شادي حسين جيه السنة اللي فاتت أول مباراة له قدام الإسماعيلي جاب جول بعد كده طلعته برا الاسكور 3 ماتشات".

أضاف: "أجيب مهاجم يليق بالنادي الأهلي مش واحد مبطل، هي الفلوس بتاعة النادي الأهلي فلوس حرام ولا إيه؟ ولا فلوس سايبة ولا مال ملوش صاحب؟،طالما هدفع فلوس يبقى أجيب مهاجم محترم ويليق باسم النادي الأهلي".

تابع: "ما يدي صلاح محسن هو فالح يروح يديله ماتش متكهرب معداش نص الملعب فيه وتقتل الواد، بعدها تنزله آخر دقائق و الماتش اللي فات تطلعه برا الأسكور، طيب مين الأولى صلاح محسن ولا موديست؟ مين الأفيد؟ صلاح محسن اللي عارف طبيعة جماهير الأهلي والنادي الأهلي ولا موديست اللي احتمال كبير أوي يمشي في شهر يناير".

اختتم: "ماليش دعوة مين بديل مش فيه مجلس تخطيط وإدارة، بالأصول فيه لجنة تخطيط بتجيب لاعبين، حتى لو عندي مهاجم مش هقول لأن الكلام بتاعى بيقف في الزور ومبياخدوش بيه عشان ميقولش رضا عبد العال قال فلان وجابوه".

يذكر أن الأهلي يخوض لقاء مؤجل من الجولة الثانية في الدوري المصري ضد سيراميكا كليوباترا، ونشير نتيجته الآن إلى أن الأحمر متقدم بهدف.

جدير بالذكر، التقى الفريقين في 6 مواجهات بالدوري المصري الممتاز، حيث فاز المارد الأحمر في 4 مواجهات، وتعادل في مباراتين، وسجل 13 هدفا واستقبلت شباكه هدفين.

اقرأ أيضًا:

"فتوح الخسران".. نجم الزمالك السابق يهاجم أوسوريو لهذا الأسباب

أفشة يتبرع بتيشيرت مباراة "القاضية ممكن" لفلسطين