"ضحك وهزار".. أول تعليق من زوجة مصطفى زيكو على أزمة والدته

علقت وفاء مصطفى زوجة لاعب منتخب مصر ونادي بيراميدز، على الأزمة المثارة خلال الساعات الماضية، عقب تصريحات والدة اللاعب حول عدم لقائها بنجلها منذ عودته من كأس العالم 2026.

تصريحات والدة مصطفى زيكو

وكانت والدة مصطفى زيكو، قالت في تصريحات تليفزيونية أمس: "مصطفى لم يأتي لي حتى الآن بعد العودة من أمريكا بسبب الاحتفالات، لكنه يتواصل معي هاتفيا، وه فضل عمله عن الحياة الأسرية".

وأضافت: "تواصلت مع مصطفى بيه وأخبرته برغبتي في الذهاب، لاستاد القاهرة ومقابلته هناك طالما، لكنه قال لي هتبقى "بهدلة وناس كتير".

واختتمت والدة زيزو تصريحاتها: "أنا كنت في حياته رقم واحد، ودلوقتي مراته بقت رقم واحد وأنا رقم اثنين".

زوجة زيكو تثير الجدل بفيديو عبر حسابها "تيك توك"

ونشرت زوجة زيكو عبر حسابها على "تيك توك"، صورة لها رفقة زوجها وكتبت: "لا دا بتاعي أنا لوحدي ولا حد يجي جنبه ولا حد يلمسه ولا يكلمه كلمة، دا حبيبي أنا ومحدش ليه فيه".

زوجة زيكو توضح تفاصيل الفيديو الخاص بها

وكتبت وفاء وفاء زوجة لاعب منتخب مصر عبر حسابها على "إنستجرام": "اولاً أنا مش مضطره أطلع أبرر أي حاجة من دي، علشان فعلا ربنا اللي يعلم بنيه كل الناس، بس بجد الناس أخدت الفيديو بتاعي بطريقة وحشة جدا وأنه على والدة زيكو وإن أنا كدا بضايقها، ومن ساعتها نازلين فيا شتيمه وأنا أصلا معملتش أي حاجة".

وأضافت: "والله دا كان فيديو عادي مش أكتر من ضحك وهزار بيني أنا وجوزي، وأصلا مكنتش شوفت حلقه مامته لسه ولا عرفت أي حاجة، أنا نزلته هزاز علشان الكومنتات بتاعت البنات اللي بتجيلي وأنهم بيحبوه ومعجبين بيه، كانت صيغة هزار والله بس مش أکثر".

وتابع: "ثانيا هي زي أمي واللي أنا مش هقبله على أمي مش هقبله عليها أصلا، وأنا بالنسبالي الراجل اللي مش بيتقى ربنا في أمه عمره مش هيتقي ربنا في مراته ولا في أولاده".

واختتمت وفاء: "أنا مقتنعة أن مفيش أغلى من الأم في الدنيا وأنا كمان أم وعايزة أقول إنها عمرها ما تتقارن بأحد حتى لو أنا، هي ليها مكانتها الخاصة وأنا ليا مكانتي".

أقرأ أيضًا:

صدفة أم فأل حسن.. لماذا كرر ميسي رسالة تتويجه بكأس العالم 2022؟

لماذا تعد مباراة المركز الثالث أغرب مواجهات كأس العالم؟.. أرقام تكشف الحقيقة