كهربا عن مصطفى يونس: بيركب التريند على حساب الأهلي

كتب- مينا غالي:

رد محمود عبد المنعم "كهربا"، لاعب الأهلي المعار لنادي هاتاي سبور التركي، على تصريحات مصطفى يونس نجم الأهلي الأسبق، والتي قال فيها:"بلسان الأهلاوية خدنا مقلب في كهربا".

وقال كهربا خلال لقائه ببرنامج حبر سري على قناة القاهرة والناس: "كابتن مصطفى يونس شخصية كبيرة وكان نجم كبير، لكن مش أول مرة يقعد يتكلم، تصريحاته الأخيرة صعبة على الجمهور وعلى الأهلاوية، أنا مش مقلب ولا حاجة، هو بيقول أي كلام".

وأضاف كهربا: "اعذرني علشان اتكلمت عليّ كتير، أنا مبحبش اعادي حد، لكن أنا مش مقلب، وهو كابتن مصطفى دايما علشان يظهر في الإعلام، ويتكلم في الإعلام بيجيب سيرة الأهلي، وبيركب الترند على حساب الأهلي، علشان الناس تدخل تتابع فيفتكروه.

وتابع ردًا على كونه أشهر منه:"دلوقتي شهرتي آه أكبر منه، هو نجم كبير لكن حاليًا أنا أكتر شهرة، والمصالح ممكن تخلي ولاد الأهلي يعضوا فيه، حصلت كتير، لكن الأهلي فوق الجميع".