"شايف إن 35 جنيه قيمة زكاة الفطر قليل".. اعرف دار الإفتاء حسبتها إزاي

بعد تحديد دار الإفتاء المصرية قيمة زكاة الفطر لهذا العام رمضان 2026 م - 1447 هـ، بقيمة 35 جنيها عن كل فرد، دار الكثير من أسئلة المصريين عن كيفية تحديد تلك القيمة في ظل ارتفاع أسعار السلع في الأسواق، وهو ما شرحته الإفتاء بطريقة سهلة ومبسطة.

وبطريقة بسيطة وميسرة ولغة عامية أيضا، كشفت دار الإفتاء عن طريقة حساب وتقدير قيمة زكاة الفطر لهذا العام، قائلة، في بيان عبر الصفحة الرسمية للدار على فيسبوك:
حسبناها على القمح البلدي اللي هو نوع من الأنواع المذكورة في سنة سيدنا رسول الله صلى الله عليه وآله وسلم والخاصة بزكاة الفطر.
بالإضافة إلى أنه غالب طعام المصريين بيتعمل منه العيش اللي هو وجبة أساسية وكمان بيدخل في أطعمة كثيرة جدًا.
طب سعر أردب القمح كام؟
دلوقتي سعره 2250 جنيه مصري من أحسن الأنواع.
وأردب القمح فيه 150 كيلو
يبقى سعر الكيلو 15 جنيه
والزكاة في القمح (2.04 كيلو)
يبقى نضرب 2.04 كيلو * 15 جنيه
يطلع الناتج 30.6 جنيه مصري تقريبًا
ودار الإفتاء قالت إنه 35 جنيه يعني زودت كمان عن الحد الأدنى بشوية
و35 جنيه ده الحد الأدنى (يعني طلع أكتر من 35 جنيه لو معاك ودخلك يسمح لك).
طب إنت شايف إن 35 جنيه قليل ومش هتعمل حاجة، يبقى طلع ما ترضاه نفسك، ولا تلزم غيرك يطلع زيك؛ لأنه ممكن يكون غير قادر.
كمان تقدر تطلعها فلوس لا تشتر بها شيء؛ لأن بعض الناس مفكرة إننا ناخد الفلوس نشتري بها أرز مثلا، لأ طلعها فلوس عادي وزكاتك صحيحة، وربنا يتقبل منك.
كمان يجوز إخراجها من أول رمضان إلى صلاة العيد.

اقرأ أيضاً:

لمريض السكر في رمضان.. 5 فتاوى مهمة عن الصيام يجب أن تعرفها

لمريض الجيوب الأنفية.. 3 فتاوى مهمة يجب أن تعرفها في رمضان

"لم يكن في مسجد النبي ساتر للسيدات".. تصريح مثير لـ"علي جمعة" وعالم أزهري يعلق

مستعيناً بجهاز برايل.. نجم "دولة التلاوة" يبدع في صلاة التراويح بجامع مصر

هل يجوز احتساب "شنط رمضان" من زكاة المال؟.. أمين الفتوى يحسم الجدل (فيديو)