الفنان محمد حاتم
تابعنا على
تحدث الفنان محمد حاتم، عن طقوسه في شهر رمضان، كاشفا أيضا عن أقرب أصدقائه بالوسط الفني.
محمد حاتم وطقوسه في رمضان
وقال محمد حاتم، ببرنامج "مع الحبايب" الذي تقدمه المذيعة هاجر جميل على إذاعات "راديو النيل": "أهم شخص، وأول شخص لازم يكون موجود في عزومة (مع الحبايب) هى أمي؛ لأن أمي وجودها خير، وبيحسسني بالأمان والسلام".
وتابع: "في كل دائرة من دوائر معارفي، سواء العائلة أو الأصدقاء عندي ناس قريبين جدا مني، أحب أنهم كلهم يتجمعوا في نفس الوقت لكن اللي بيحصل في الحقيقة إن غالبا كل تجميعة بتكون لوحدها يعني العائلة لوحدها وأصدقائي من الوسط الفني لوحدهم".
واستكمل: "وأحب كل واحد يكون على راحته، وبهرب من فكرة اني أكون موجود في مكان وألاقي نفسي على التليفزيون، وعادة بتفرج على نفسي قليل أوي، وأنا لوحدي، وأحب أعمل عزومة (مع الحبايب) في مكان مفتوح بالنهار، في يوم مشمس في الشتاء، لكن الإجابة القريبة لقلبي أنها تكون فى البيت لأن في رمضان تحديدا بيوتنا بتختلف، وإحساس اللمة بيكون أجمل".
الأصدقاء المقربين بالوسط الفني لـ محمد حاتم
وأوضح: "أحب في تجميعة (مع الحبايب) يكون موجود أخواتي، وأولاد خالي، وخالتي فاتن، وأصحابي القريبن زي عمرو عابد، وكريم قاسم، وأحمد داش، وسارة عبدالرحمن، وأحمد مالك، وعلي قاسم، وصاحبي من أيام الجامعة علاء حسن".
وأضاف محمد حاتم: "أحب أسيب كل واحد على حريته من غير قواعد وأنا عارف إننا كلنا بنسيب الموبايلات لما بنتجمع، لكن ممكن أطلب منهم لو حد يحب يطبخ أكلة معينة، أو يشترى حاجة هو بيحبها، نجربها كلنا سوا..أحب أتجمع مع كبار السن اللي عايشين لوحدهم مهم إن قلبنا يكون مع الناس الأكبر سنا".
اقرأ أيضا:
ياسمين عبدالعزيز تعلن تصدر مسلسلها على شاهد..ومحمد سامي:"كنتي فين من أول رمضان"
