ياسمين عبدالعزيز تعلن تصدر مسلسلها على شاهد..ومحمد سامي:"كنتي فين من أول رمضان"

رد المخرج محمد سامي، على الفنانة ياسمين عبد العزيز بعد احتفالها بتصدر مسلسلها "وننسى اللي كان" منصة "شاهد مصر" والذي يعرض ضمن موسم دراما رمضان 2026.

وكشفت الفنانة ياسمين عبد العزيز عن تصدر مسلسلها "وننسى اللي كان" قائمة المسلسلات الأعلى مشاهدة على منصة "شاهد مصر"، وجاء ترتيب المسلسلات كالتالي: "ياسمين عبد العزيز 1، مصطفى غريب 2، حمادة هلال 3، مي عمر 4 ".

محمد سامي يهنئ ياسمين عبد العزيز على نجاح "وننسى اللي كان"

وقام المخرج محمد سامي بإعادة نشر تهنئة ياسمين عبدالعزيز عبر خاصية الاستوري على "انستجرام" وكتب: "الله يبارك فيكي يا سو، أخيرا بعد ما عرض موناليزا خلص بيومين كنتي فين من أول رمضان يا غالية، عارف أن نفسك في الموضوع ده من واحد رمضان بس النصيب بقى ساعات الواحد يتمنى حاجة يوم واحد ربنا يكرمه بيها يوم 16".

وأضاف: "ادعيلي بقى لأني انا اللي اقنعت مي أن الست موناليزا يبقى 15 حلقة بس يا إما كان الواحد اتمنى حاجة يوم 1 ربنا اديهاله بعد العيد زي السنة اللي فاتت كده، دايما ناجحة ومتفوقة يا حبيبتي، وعقبال السنة الجاية ودايما تمتعي الجمهور اللي بيحبك وأنا أولهم".

محمد سامي يحتفل بنجاح مسلسل "الست موناليزا"

واحتفل المخرج محمد سامي بنجاح مسلسل "الست موناليزا" بطولة زوجته الفنانة مي عمر، وقام بتوجيه الشكر للعاملين وراء الكاميرات وأنهم كانوا سببا رئيسيا في نجاح المسلسل وتصدره محرك البحث جوجل منذ عرض الحلقات الأولى من المسلسل.

وكتب: "أنا بشكر الناس دى لأمانتهم و إخلاصهم و حبهم للناس اللى بتشتغل معاهم ، سهل إنك تعمل مسلسل بس صعب إنك تبقى رقم واحد من أول يوم عرض لآخر يوم ، بكلام موثق موجود على المنصة بريتنيج وترتيب واضح و شرعي و معلن، مش كلام مطلق و عايم، الست موناليزا رقم ١ من حلقة ١ إلى ١٤ و إن شاء الله هيقفل كده ، لله الحمد و الشكر".

اقرأ أيضا:

أحمد السقا يرفض الرد على سؤال لـ رامز جلال بشأن طليقته

أحمد عزمي يكشف لـ"مصراوي" تفاصيل مشاركته في مسلسل "حكاية نرجس"