ريهام حجاج تعلق على تجربتها في"توابع" بعد انتهاء عرض المسلسل

تحدثت النجمة ريهام حجاج، عن تجربتها الدرامية "توابع" التي خاضت بطولتها وعرضت في النصف الأول بموسم دراما رمضان 2026.

ريهام حجاج تعلق على رحلة شهيرة خطاب في "توابع" بعد انتهاء المسلسل

وكتبت ريهام حجاج، عبر حسابها على فيسبوك: "خلص توابع وخلصت رحلتي مع شهيرة خطاب، عايزة أقول كلمتين عن التجربة اللي استمتعت بيها جدا من أول ما الأقدار جمعتنا أنا ومحمد ناير ويحيى إسماعيل لاقينا عوامل مشتركة في الهدف وطريقة الفكر اللي هى السعي في محاولة الجمع بين رسالة الفن والجماهيرية".

وتابعت: "الحقيقة إنه مش سهل (بس مش مستحيل) الكل عارف الخلطة السحرية للمشاهدات والترندات…والكل كمان عارف الخلطة الفنية الهادفة اللي الأكترية مش بيميلوا ليها.. وده طبيعة البشر وعشان كدة كلمة (أكثرهم) في القرآن دايما مقترنة بمفردات زي (لا يعلمون) ( لا يفقهون) وهو ده اللي بنسميه في أيامنا دي التريند والجري وراه، وده المعنى الحقيقي للتوابع".

ريهام حجاج تشكر محمد ناير ويحيى إسماعيل بعد نهاية "توابع"

وأضافت: "أنا بشكر محمد ناير ويحيى إسماعيل على أنهم قدروا مع كل من شارك في مسلسل توابع من كل الأقسام واحد واحد انهم يقدموا رسايل توعي الناس وتخليهم يفكروا وهم مستمتعين بالفرجة ومتسليين ومتأثرين، الحمد لله عملنا معادلة كان نفسنا نوصلها، بشكر الجمهور الواعي اللي فهم الرسايل واتكلم عنها وقدرها واستمتع بيها".