المخرج محمد سامي يعلن تحضيره لمسلسلرد كليتي الأهم
تابعنا على
تحدث المخرج محمد سامي، عن إطلاق البعض من الفنانين على أعمالهم لقب "رقم 1"، مؤكدا أن الجمهور ليس من السهل خداعه.
ونشر محمد سامي، مقطع فيديو، عبر حسابه على "فيسبوك" تحدث خلاله عن اللغط حول لقب "رقم 1" سواء من النجوم أو الذي يطلق على المسلسلات.
وقال محمد سامي: "أنا عامل الفيديو ده للجمهور لتوضيح حاجات معينة، بالنسبة لفكرة رقم 1، لفت نظري ان فيه فيديو لزميل غالي عندي جدا وماسك فيه بعض المستندات وأوراق وبيقول أنا المسلسل رقم 1، فكرة المسلسل رقم 1 دي فكرة محتاجة بذل مجهود عشان الواحد يقدر يقول ده المسلسل رقم 1".
وتابع: "أولا بيبقى فيه محتوى بيلقى استحسان الجمهور بيحصل حواليه تداول في الشارع تفتح الإنترنت تلاقيه، تفتح السوشيال ميديا تلاقيه بيعمل حالة رواج بين الجمهور وبكده يبقى المسلسل يبقى رقم واحد أو من الأرقام الأولى ما بين الجمهور بيتكلموا عنه، وفي حاجة اسمها توثيق، زي المنصات اللي موجودة لانهم بيبقوا عارفين وحاسبين مين بيتفرج على ايه، اما عن التلفزيون فهو صعب جدا في بعض الدول زي مصر، انك تقدر تقول مين اتفرج على ايه وبيحصل اجتهادات محترمة من شركات عشان تقدر توصل للحساباات دي".
محمد سامي: مسلسل "جعفر العمدة" كان رقم 1 في التلفزيون
وأضاف: "وأنا النهاردة كنجم أطلع أقول أنا رقم 1 على شيء مقدرش أثبته لأن جعفر العمدة مثلا كان رقم 1 في التلفزيون كان رقم 1 في الشارع وعلى المنصة، والمسلسل اللي بيبقى رقم 1 في حته بيبقى رقم 1 في كل حته، الحاجة التانية اني اطلع أقول المسلسل بتاعي أعلى تقييم اخر 10 سنين، الناس تضحك عليك على طول، ولو سأل الجمهور ايه اكتر مسلسل رائج اخر 10 سنين مع احترامي لكل زمايلي ومسلسللاتهم، لكن فيه مسلسل اسمه جعفر العمدة هو ظاهرة مفيش مسلسل تاني وصل لحالة الرواج دي، زي ما بنقول برنامج رامز جلال ظاهرة".
محمد سامي يكشف رأيه في مسلسل"هى كيميا"
واستكمل: "وبالتالي لما بنيجي النهاردة نحاول نغفل الجمهور وأقول أنا مسلسلي ده الأعلى آخر 10 سنين، الجمهور يعلم جيدا، رقم 1 ده ليه دلالات في حالة التجاوب مع الجمهور، زي مسلسل عين سحرية لقيت فيه تجاوب من كل الناس ومسلسل اتنين غيرنا سمعت من كل الناس ان فيه ناس متجاوبة وناس حابة العلاقة، مسلسل هي كيميا ايه اللذاذة اللي فيها مصطفى غريب، ومش عاوز انسى حد سمعت عن مسلسل صحاب الأرض لإياد نصار ومنة شلبي، سمعت ان فيه مسلسلات كتيرة فيه تجاوب، وفيه مسلسلات مسمعتش عنها حاجة خالص، ومينفعش مسلسل مش تشاف اطلع أقول للناس انه مكسر الدنيا".
وعن فكرة الأعلى أجرا، أضاف: "نفس الموضوع على فكرة الأعلى أجرا، مينفعش أطلع أقول أنا الأعلى اجرا، وافتكر كله معروض اجره كام لانه بيدفع ضرايب، وتعالوا نعمل زي نجوم هوليوود لما بيمضوا على فيلم او مسلسل بياخدوا صورة للأجر وبينزلوها على السوشيال ميديا".
اقرأ أيضا:
بطل "بيبو" مفاجأة دراما 2026 الذي طاردته نقابة الموسيقيين بالبلاغات
عمرو سعد يحتفي بـ أم كلثوم في مسلسل "إفراج".. كيف ظهرت "الست"؟
