"لا أڤورة ولا حزق" تامر حبيب يشيد بمسلسل "عين سحرية" وأبطاله

أشاد المؤلف تامر حبيب بمسلسل"عين سحرية" الذي ينافس في موسم دراما رمضان 2026.

تامر حبيب يشيد بمسلسل عين سحرية

ونشر تامر حبيب، بوستر المسلسل، عبر حسابه على إنستجرام، وعلق: "إيه الحلاوة والشطارة والجاذبية والمتعة والصعوبة والإتقان وذكاء السرد والتأثير ده؟، إيه السيناريو والإخراج والتصوير والمونتاچ والموسيقى والديكور وكل حاجة ورا الكاميرا المتقنين والمتعوب فيهم دول؟".

وتابع: "إيه التمثيل اللي مش تمثيل وبجد وبحق وحقيقي دول..إيه باسم سمرة ده يا ناس، وايه جمال وصدق وتلقائية عصام دول.. إيه كل ممثل اللي تم اختياره وفي مكانه صح وهو جاب آخر الشخصية صح من غير لا أڤورة ولا حزق".

وأوضح: "يعني إيه بالله عليكم في أيام تسودها البلادة والرهرطة الفنية والدرامية، و هنا لو لأي سبب من الأسباب لو الواحد فاتته جملة حوار أو حتى كلمتين لازم نرجع من الأول عشان ما تفوتكش معلومة علشان أكيد مبني عليها أحداث ومفاجآت جديدة".

وأضاف تامر حبيب: "شكرا يا كل صناع عين سحرية، تلك العين التي اهديتوها لنا لنرى من خلالها كل هذه المتعة المتقنة".

أبطال عين سحرية

مسلسل "عين سحرية" يعرض على قنوات "ON دراما" في تمام الساعة السادسة مساءً، ومن بطولة عصام عمر، باسم سمرة، عمرو عبد الجليل، سما إبراهيم، وجنا الأشقر؛ ومن تأليف هشام هلال، وإخراج السدير مسعود.