"عندها أحاسيس وعمق".. أحمد العوضي يتحدث عن يارا السكري

أعرب الفنان أحمد العوضي، عن اعتزازه الكبير بالفنانة يارا السكري، مؤكدًا أنها أصبحت واحدة من أبرز الوجوه الشابة التي يراهن عليها في أعماله الفنية.

وقال العوضي إن يارا تُعد "نجمته"، معبرًا عن فخره بها وسعادته بكل إشادة تُكتب عنها، خاصة بعد نجاحها اللافت في مسلسل علي كلاي.

العوضي يتحدث عن يارا السكري

وقال الفنان أحمد العوضي، خلال مداخلة هاتفية على راديو "نجوم إف إم" مع الإعلامية إنجي علي: "يارا دي نجمتي، وأنا فخور لها ومبسوط بكل كلمة حلوة بتتكتب علشانها وبنجاحها في مسلسل علي كلاي".

وأضاف: بعد مشهد "الحمل" في مسلسل فهد البطل قررت إنها تكمل معايا، وهي عجباني من أول ما اخترتها في فهد البطل وشايف فيها حاجة، وأغلب مشاهدها مكنتش معايا، لكن لما عملت المشهد دا معايا تأكدت إن اختياري صحيح.

وأوضح: هي عندها مزايا مش موجودة في غيرها، هي مش مجرد بنت حلوة وجميلة، هي عندها أحاسيس وعمق في التمثيل، وده شوفناه في مشهد موت أخوها.

وتابع: هي عندها نضج مبكر، وسابقة خطواتها في التمثيل فبتعمل المشاهد منضبطة، لا هي بتعلى منها ولا غيره، ودا طبعًا بيرجع لوجود مخرج كبير زي محمد عبد السلام وتوجيهاته واهتمامه بيها وإنها تطلع بالشكل ده، ومحظوظة إنها اشتغلت وسط ناس كلهم بيحبوها وحابين ينجحوا معاها.

اقرأ أيضا:

استغلال الزوج".. أوجه الشبه بين شخصيتي مي عمر في "الست موناليزا" و"نعمة الأفوكاتو"

إنتي بطلتي السنة الجاية".. يارا السكري تفجر مفاجأة عن أحمد العوضي