محمود كامل عن "أولاد الراعي":"بقالنا 4 شهور مش بنام واحنا أكبر كاست 2026"
كتب : مروان الطيب
أولاد الراعي
تابعنا على
كتب- مروان الطيب:
نجح مسلسل "أولاد الراعي" الذي يعرض ضمن موسم دراما رمضان 2026، في تحقيق نجاحا ملحوظا ونسب مشاهدات مرتفعة، بعد عرض ثالث حلقاته، بمشاركة نخبة كبيرة من نجوم الدراما التلفزيونية.
وأعرب مخرج المسلسل محمود كامل في تصريحات خاصة لمصراوي عن سعادته بردود الأفعال، وعن كواليس تعاونه مع هؤلاء النجوم، وتعاونه مع المنتج ريمون مقار، والمتحدة للخدمات الإعلامية.
وعن ردود الأفعال حول مسلسل "أولاد الراعي" قال: "احنا أكبر كاست السنة دي ومن المهم انك تبقى عارف انت بتعمل إيه ومن خلال التحضير والشغل على الشخصيات وبتبقى عارف طبيعة كل ممثل نفسيا وذهنيا، وبيبقى فيه طرق عشان نساعد الفنان يقرب أكتر من الشخصية".
وعن المخاوف من التجربة الضخمة في أولاد الراعي قال:" أنا ضد الخوف ولازم تبقى دايما شجاع، الفن هو انك تعمل كل ما هو جديد، ودايما بحب الصعب مش السهل والحمد لله ربنا كلل تعبنا بالنجاح والمسلسل مسمع في البيوت ومع الشباب وفي الشارع ".
وعن التنوع في أماكن التصوير بين مصر ولبنان قال: "بنحضر بقالنا فترة كبيرة وبعاين أماكن كتير والمسلسل يعتبر واحد من أضخم إنتاجات السنة دي ولسه في حاجات كتير الحلقات اللي جاية، ويهمني الناس تبقى مبسوطة وسعيدة وان احنا مقدرينهم وبقالنا 4 شهور مابنامش كلنا".
مسلسل أولاد الراعي بطولة نخبة من نجوم الفن من بينهم ماجد المصري وأحمد عيد وخالد الصاوي وأمل بشوشة ونرمين الفقي وإيهاب فهمي وفادية عبد الغني وغادة طلعت من إنتاج فنون مصر" ريمون مقار".
اقرأ أيضا:
رامز جلال يطلب الزواج من غادة عبد الرازق في رامز ليفل الوحش
