عبدالله رشدي ينتقد حلقة أسماء جلال في "رامز ليفل الوحش": "اللي اتعرض ميرضيش ربنا"

انتقد الداعية الإسلامي، عبدالله رشدي حلقة الفنانة أسماء جلال التي استضافها الفنان رامز جلال في أولى حلقات برنامجه "رامز ليفل الوحش" الذي يعرض طوال شهر رمضان المبارك.

نشر عبدالله رشدي رأيه في الحلقة عبر صفحته على "فيسبوك" وكتب: "رامز ليڤل الوحش، الحقيقة مكنتش حابب أتكلم، رامز كإنسان بشوفه دمه خفيف وشخص مش سئيل ولا متعجرف، بحس إنه إنسان مَرِح وطيب..وكلنا فينا الحلو والوحش، لكن دا مش هيمنعني من انتقاد اللي بيحصل، لأن والله العظيم اللي اتعرض دا بجد ميرضيش ربنا".

مضيفا: "إحنا لا احترمنا نفسنا ولا احترمنا الأطفال والبنات اللي بتتفرج، ولا حتى راعينا حُرمة شهر رمضان، دا فن رديء".

وأنهى تعليقه قائلا: "ودا أقل ما يُوصَف به الكلام والمناظر والإيحاءات اللي اتعرضت على الشاشة، مينفعش التدني اللي بنشوفه الفترة دي وبالذات في رمضان".

راندا البحيري تنتقد حلقة أسماء جلال في "رامز ليفل الوحش"

انتقدت الفنانة راندا البحيري الحلقة الأولى من برنامج "رامز ليفل الوحش" تقديم الفنان رامز جلال، واستضاف خلالها الفنانة أسماء جلال.
وكان انتقاد راندا البحيري على تقديمة الفنان رامز جلال للفنانة أسماء جلال وكتبت عبر صفحتها على "فيسبوك": "هي المقدمه اللي اتقالت على النجمة أسماء جلال في برنامج المقالب، ده شئ عادي؟؟؟، شئ مقبول؟؟؟، اسماء أنت موافقة ازاي؟؟، اذا كان أنا دمي محروق بجد مش هزار والله والله".

كواليس الحلقة الأولى من برنامج "رامز ليفل الوحش"

انهارت الفنانة أسماء جلال أثناء تنفيذ مقلب رامز جلال وانفعلت بشدة قائلة هطلع أعمل مشكلة، وأطلقت عدة ألفاظ خادشة مما دفع إدارة البرنامج لكتم الصوت.
واستقبل الفنان رامز جلال الفنانة أسماء جلال في أولى حلقات برنامج رامز ليفل الوحش، بوصلة من السخرية.
وسخر رامز من ملابس أسماء إذ ارتدت بنطلون أسود مطلي بالأبيض وقال:" إيه البنطلون اللي انتي لبساه دا إيه وإيه اللي عليه البنطلون دا؟".

اقرأ أيضا:
"اتعورت في رجلي".. صراخ وانهيار هنا الزاهد في "رامز ليفل الوحش"

مفاجأة.. تسريب مشهد الحلقة الأخيرة من مسلسل"سوا سوا" لأحمد مالك وهدى المفتي