طارق الشناوي لمصراوي: "بعض الناس بيتعامل مع كثرة المسلسلات على إنها بوفيه مفتوح"

تتنافس عدد من الأعمال الدرامية في موسم دراما رمضان لهذا العام، وتتنوع الأعمال بين الشعبي والكوميدي والأكشن.

وبعد عرض الحلقة الأولى من المسلسلات الرمضانية لهذا العام، طرح مصراوي سؤال: "هل من الممكن الحكم على العمل الفني بمجرد عرض الحلقة الأولى من العمل؟".

طارق الشناوي يجيب

وقال الناقد طارق الشناوي في تصريح خاص لمصراوي: "يجب أن نفرق بين النظرة العلمية والحالة الشعبية الموجودة حاليا".

وتابع: "يعني النظرة العلمية متقدرش تحكم على العمل وتحدد رأي من الحلقة الأولى، لأن ممكن يبقى في أشياء تبدو أنها مش منطقية فتخليك تبعد عن المسلسل، لكن مع استمرار الحلقات بتبدو منطقيتها ودراميتها وحتميتها".

الأعمال الدرامية بوفيه مفتوح

واستكمل الناقد الكبير: "إحنا بنتعامل مع ٥٠ أو ٦٠ مسلسل أشبه بالبوفيه المفتوح، إما بتروح وإنت مدرك إنت عايز إيه بالظبط، أو بتروح وإنت لسه هتتذوق وإنت مش عارف إيه الأطباق المفضة بالنسبالك".

وأضاف: "بعض الناس بيتعاملوا مع الدراما بسبب كثرة العدد على طريقة البوفيه المفتوح، المشاهد اللي بيتعامل مع الدراما بمنطق البوفيه وعليه إنه يختار الأفضل، ويخشى إذا مداقش كل الأصناف إن يكون في صنف درامي أفضل، فبيحاول يدوق كل حاجة، ومن هنا تبدأ المشكلة لأن مستحيل إنسان يتفرج على كل حاجة".