كيف ردت إنتصار على تصريح كاملة أبو ذكري بعدم العمل معها بعد مسلسل "ذات"؟
كتب : مصراوي
09:10 م
23/03/2024
تعديل في 09:11 م
الفنانة انتصار
تابعنا على
كتب - مروان الطيب:
حلت الفنانة إنتصار، ضيفة ببرنامج "ع المسرح" تقديم الإعلامية منى عبد الوهاب ويعرض على قناة "الحياة".
وتحدثت "إنتصار" عن العديد من الموضوعات منها علاقتها بالوسط الفني، وعن أعمالها الفنية خلال الفترة المقبلة، إلى جانب العديد من الأسرار والكواليس التي كشفتها لأول مرة.
وبسؤالها من قبل منى عبد الوهاب: "المخرجة كاملة أبو ذكري طلعت بعد مسلسل ذات قالت انك ممثلة عظيمة وقديرة بس مش هشتغل معاها تاني لأنها مش منضبطة".
ردت "إنتصار": "أنا عاوزاها تبطل تتكلم في البرامج مش صح، وأنا بتكلم في كل حتة لكن مش بتكلم عليها وما بجبش سيرتها أبدًا غير بكل خير، لكن أنا مش حابة إنها تطلع تتكلم في البرامج ومحبتش أنها عملت كده وقالت أصل هي بتتأخر وأنا مش هشتغل معاها طب ما تشتغليش محدش ضربك على إيدك وقالك اشتغلي معايا بالعافية، واطلعي اتكلمي عن شغلك وأعمالك ونجاحاتك واللي يجيبك عشان شخصك مش عشان تذمي في زمايلك".
وأضافت: "عيب لما الآخرين يستغلوكي متبقيش ضحية وانتي من أهم المخرجات في الشرق الأوسط اتكلمي عن نفسك، وعلى فكرة أنا بحبها هي صاحبتي وأنا بيصعب عليا انهم يستدرجوها في البرامج".
وأضافت: "وأنا محبتش انها تطلع تتكلم عليا في البرامج مبحبش مشاكل العمل تطلع ويتم تداولها في البرامج وكواليس الشغل المفروض تفضل في الشغل وما حدث في روما يبقى في روما".
