عصام صاصا: "ممنوع رقاصة تطلع معايا في حفلات الساحل وجوايا صعيدي"

القاهرة- مصراوي:

حل مغني المهرجانات عصام صاصا، ضيفا على برنامج أسرار تقديم المذيعة أميرة بدر والمعروض عبر شاشة قناة النهار، وخلال لقائه تحدث عن خطيئة الحسد ورفضه مشاركة الراقصات في فقرته بحفلات الساحل الشمالي.

قال عصام صاصا: "عمري في حياتي ما طلعت رقاصة جنبي حتى مهما كان اسمها.. لأني مش بحب رقاصة تطلع جنبي وأنا شغال.. بروح حفلات في الساحل ولكن مش بطلع رقاصة معايا".

تابع عصام صاصا: "أنت طالع تتفرج على عصام، الرقاصة هتاخد 80% من المشاهدة، وكمان الناس بتتكلم كلام مش بيعجبني لأن جوايا صعيدي، بحب أطلع على المسرح لوحدي".

وأكد عصام صاصا، أنه لا يوجد عنده خطيئة الحسد، قائلًا: عمري ما فكرت أحسد ومحمد رمضان ممكن يجيب حاجة تعجبني بس مش لدرجة الحسد، وسبب نجاحي أن بكرة مش فارقلي، وعمري ما قعدت مستني أغنية تنجح ليا".

جدير بالذكر أن رمضان 2024 يشهد وجود عدد كبير من البرامج، التي تستضيف نجوم التمثيل والغناء والرياضة، يكشفون من خلالها الكثير من الأسرار، بينها: ع المسرح، العرافة، أسرار.