مجد القاسم: نفسي آخد الجنسية المصرية ومينفعش حد ياخد لقب بعد أم كلثوم

أعرب الفنان السوري مجد القاسم عن أمنيته في الحصول على الجنسية المصرية

وقال مجد القاسم في لقاء مع الإعلامية إنجي هشام، في برنامج "المنسي"، المذاع عبر شاشة قناة "هي": نفسي آخد الجنسية المصرية، أنا لازم أخدها لأن بقالي 33 سنة في مصر، ومصر الروح، وربنا كريم وإن شاء الله أخدها.

وعن اختفاء جيل التسعينات، علق مجد القارسم: أنا بعتبر جيل التسعينات مع أنه أكتر جيل أثر بعد جيل العظماء، الفترة بتاعتهم كانت قليلة وبدأ موضوع الانترنت وسرقة الأغاني وفجأة انقرضت شركات الإنتاج، وبقى موضوع الإنتاج صعب على الفنان والموضوع مكلف جدًا علشان حد يعمل ألبوم بـ مليون جنيه ولا مليون ونص.

وأضاف: وطلع فترة أنا حسيتها حرب على الفن الأصيل، فترة الأفلام التجارية والأغاني في الأفلام وشكل الأغاني الجديد، بقى أي واحد معاه لاب توب وبرنامج مزيكا بقى في فجوة، ولكن دلوقتي بقى في صحوة للمزيكا والناس فاكرة كل كلمة قلناها.

كما تحدث مجد القاسم، عن لقب صوت مصر قائلا: صوت مصر أم كلثوم ومينفعش حد ياخد اللقب بعدها، وهي صوت مصر وصوت العرب، ومسلسل السيرة الذاتية بتاعها أحسن عمل عن سيرة ذاتية لفنان، والناس كانت بتقفل المحلات وقت عرض المسلسل، ومفيش مسلسل سيرة ذاتية نجح قد مسلسل أم كلثوم.