حمو بيكا: "عمر كمال عملي سحر عشان مشتغلش ولبست الفانلة بالمقلوب"

كتب – معتز عباس:

قال مؤدي المهرجانات حمو بيكا، إن نقيب المهن الموسيقية مصطفى كامل قام بتوجيهنا للطريق الصحيح، متابعًا: "كنا محتاجين ده من زمان".

وقال حمو بيكا، خلال لقائه ببرنامج "العرافة"، المذاع على قناتي "المحور" و"النهار"، اليوم الأربعاء: "في بداياتي ماكنتش أعرف يعني إيه نقابة أو مصنفات وكنت بغني أي حاجة.. دلوقتي لو هنزل أغنية تجيب 10 آلاف مشاهدة فقط أنا راضي".

وأضاف، قائلًا: "عمر كمال عملي سحر عشان مشتغلش.. انا لما روحت الشيخ قالي اسم صاحب العمل عمر، وكلنا قعدنا أنا وحسن وهو اللي اشتغل، والحمد لله فكيت السحر واشتغلت"، متابعًا: "بعد كدا صاحبت عمر عشان مايعملش حاجة تاني كنت خايف منه وربنا يستر بعد البرنامج ميجددش العمل تاني، أنا بخاف من السحر والأعمال ولابس الفانلة بالمقلوب".