إديته على دماغه.. نهى العمروسي تكشف تفاصيل تعرضها للتحرش من أحد الفنانين

كتب- حسن مرسي:

كشفت الفنانة نهى العمروسي، تفاصيل تعرضها للتحرش أثناء تصوير أحد أعمالها الدرامية، وكيف تعاملت مع هذا الموقف.

وقالت العمروسي، خلال حوارها مع الإعلامية أميرة بدر، ببرنامج "Vip" عبر فضائية "هي": كنا بنصور مسلسل، والبطل بتاعه اتحرش بيا وحط إيده عليا، واديته على دماغه، وإحنا مش صحاب عشان يحط إيده عليا، ولكن في لمسة عن لمسة تفرق، وده مش أول ولا أخر تحرش، يعني الستات في المكاتب والبنوك بيتعرضوا للتحرش.. الفنانات مش هيتعرضوا؟

وأضافت الفنانة نهى العمروسي: المواقف اللي بتحصلي في الوسط الفني بعرف أعديها ولساني طويل، وبسيحله قدام الناس، ولما أنت تمد إيدك عليا على أساس أني مشاع فاشرب لما أنا أفضحك، ومش واحد بس دول كتير، ومحدش يعرف ياخد مني حاجة غصب عني، وهو مش ممثل واحد، ومقدرش أقول اسمه بقى الله يرحمه، واتعرضت للتحرش من وأنا طفلة.