نجيب ساويرس يشيد بأداء بيومي فؤاد في أعماله: "أبدعت"

كتب- هاني صابر:

أشاد رجل الأعمال المهندس نجيب ساويرس، بأداء الفنان بيومي فؤاد في الأعمال الفنية التي شارك فيها.

وأعاد ساويرس، نشر تصريحات لبيومي فؤاد على موقع مصراوي، وذلك عبر حسابه على تويتر، وعلق: "أبدعت في كل أدوارك".

بيومي فؤاد قال في تصريحاته ببرنامج "أنا والقناع" : "هذا الكلام حصري.. انا وعدت كتير جداً بأني لا مش هشتغل كتير كده، أخري رمضان ده وما بعد عيد الفطر لا مفيش الكم ده، كل الناس اللي قالت إن بيومي فؤاد عشان ظهر وسنه كبير بيعوض اللي فاتوا، ده كلام محترم ولكن ليس حقيقي، والناس اللي بتقول بيومي حوش فلوس لعياله عشان مش هيقعد كتير ده كلام منطقي برضه بس مش حقيقي".

واستكمل بيومي حديثه متأثرا: "أنا راجل بحب الشغل نسباً لأبويا رحمة الله عليه، أنا راجل بقول في صلاتي وأنا بسجد ربنا يكفينا شر قعدة البيت، و 80% من شغل بيومي فؤاد في سنة "كسوف" وأحيانا كتير جداً اشتغل في أعمال مكتوب لها الفشل في جميع الجوانب وببقى عارف، وربنا بينقذني عشان النية في كافة شيء والنية في إني بفرح بزمايلي".

بيومي فؤاد يشارك في دراما رمضان ٢٠٢٣ بمسلسل جعفر العمدة ويجسد دور والد زينة المسجون بسبب الديون.

كما يشارك أيضا في مسلسل "1000 حمدالله على السلامة" بطولة يسرا . وأيضا مسلسل "الكبير أوي 7" مع أحمد مكي. كما يشارك في مسلسل "رمضان كريم 2" مع سيد رجب. ومسلسل "جت سليمة" مع دنيا سمير غانم.

أبدعت في كل ادوارك 👏👏👏❤️ https://t.co/T2Q9X0BTND

— Naguib Sawiris (@NaguibSawiris) March 31, 2023