إلهام شاهين عن تأخر تصوير "بطلوع الروح": "أجدع مسلسل دلوقتي بيبدأ بـ 10 حلقات"
12:47 ص
الأحد 24 أبريل 2022
بطلوع الروح - إلهام شاهين
تطبيق مصراوي
لرؤيــــه أصدق للأحــــداث
كتب- محمد جمعة:
قال الفنانة إلهام شاهين، إن تصوير الأعمال الدرامي اختلف عن الماضي خصوصًا في الموسم الرمضاني.
وأضافت شاهين، خلال مداخلة هاتفية مع برنامج "حضرة المواطن"، مساء السبت: "أنا لسه في لبنان لتصوير مسلسل بطلوع الروح، مش حاسين بالزمن وشغالين ليل ونهار، وفي أيام عمل بتوصل لـ 20 ساعة شغل".
وتابعت: "الورق هو اللي بيعطلنا في التصوير لحد أيام متأخرة من شهر رمضان، لأن الموضوعات بتاخد وقت طويل في الكتابة، وبنبتدي التصوير قبل اكتمال كتابة العمل بالكامل".
واستطردت: "زمان كان بيجلنا الـ 30 حلقة كاملة ونعمل عليها بروفات قبل شهر رمضان، لكن دلوقتي أجدع مسلسل بيبدأ تصوير مسلسل رمضان بـ 10 حلقات فقط".
وعن تعرضها للهجوم، قالت: "اللي بيهاجموني أفكارهم متطرفة، لكن اللي مستغرباه إني بقدم الأفكار المتطرفة بتاعهم في المسلسل ورغم كده بيهاجموني.. مفيش حد هيبقى متعاطف مع داعش واللي بيهاجم مش عارفة بيهاجم من باب إيه".
وتابعت الفنانة: "لولا أن الفن له تأثير كبير ماكنش حد بيهاجمنا، بيحاولوا يخوفنا عشان محدش يفضحهم، وللأسف الإرهاب أصبح مهنة لا مهنة له".
فيديو قد يعجبك:
