إلهام شاهين: "لو ربطنا كل شيء بالدين مش هنعمل حاجة في حياتنا" (فيديو)

كتب- يوسف عفيفي:

قالت الفنانة إلهام شاهين، إنها ترفض التطرف بكل صوره، مضيفة: "لو ربطنا كل حاجة بالدين مش هنعمل أي حاجة في حياتنا، وميبقاش في أي رسالة نعرف نقدمها".

وأضافت إلهام في برنامج "العرافة" للمذيعة بسمة وهبة، عبر فضائية "المحور": "الفن لا يرتبط بالدين، كل ما يفعله داعش حرام من وجهة نظري".

وأشارت إلى أن أنها ترفض التطرف في الدين والرأي، كما قالت إنها ترفض إجبار الآخرين على الطاعة، وكل إنسان له رأي وفي النهاية ربنا هو الحكم واللي هيحاسبنا كلنا: "أنا ضد إننا نحاسب بعض ومفيش حد يحاسب الثاني على دينه، ومحدش يتمنظر إنه متدين وأحسن من التاني لأن محدش يعرف مين عند ربنا أحسن من التاني، وهو الخراب المستعجل اللي جالنا من السوشيال ميديا، وياريت كل واحد يخليه في حاله".

وعن سبب اشتباكها في أمور الدين، قالت إلهام: "بسبب صراحتي لأني مش منافقة وبقول اللي في قلبي وفي أي وقت، وهناك جزء منافق من الناس بيقولوا في القاعدة الخاص كلام، وفي الإعلام بيقولوا كلام تاني مراعاة لمشاعر الناس".

وتابعت: "أنا ميهمنيش إن أخسر ناس أنا عايز اللي يحبني زي ما أنا بفكري وآرائي".