هاني البحيري يرد.. هل سرق تصميم فستان ليلى علوي؟

نفى مصمم الأزياء هاني البحيري سرقة فكرة تصميم فستان الفنانة ليلى علوي الذي أطلت به في مهرجان الجونة السينمائي في الدورة الخامسة 2020.

وأكد البحيري، أثناء استضافته في برنامج "سابع سما" على شاشة قناة "النهار": "مكانش اختياري، ده كان اختيار ليلى علوي بنفسها، واختيار صديقتها الأنتيم، هي اللي جابت الفكرة نفسها، قولتلها طب أصل الفستان فين؟ طب الفكرة فين؟ قالتلي عاجبني ده، حتى لو كان مصمم أزياء عالمي عامله، أنا عاجبني الفكرة".

وتابع: "الفكرة الغلط لو أنا قولت أنا صاحب الفستان، أو أنا الديزاين، وهنفذهولك، وطلعت في الآخر أنا مش صاحب الديزان، لكن هي اللي اختارته واختارت اللون، وجبنا الجلد من إيطاليا، وقالتلي ستايله غريب عليا، قولتلها طب مين الديزاينر، وأنا وقتها معملتش سيرش، وأثناء ما كنا في الجونة السنة قبل اللي فاتت، وأنا وافقت، وبعد ما أثيرت الضجة، قولتلها كنت قوليلي إن بتاع فيرزاتشي، وإحنا قولنا by هاني البحيري، مش ديزاين هاني البحيري، وليلى علوي قالت ده، وإحنا كمان غيّرنا فيه شوية".

كانت الفنانة ليلى علوي قد ظهرت بفستان في الدورة الخامسة من مهرجان الجونة السينمائي 2022، وأثيرت ضجة حول سرقة فكرة الفستان الذي ظهرت به في فعاليات المهرجان.