جمال العدل: "مش هشتغل مع مصطفى درويش تاني إلا لو حصل هذا الأمر"

كشف المنتج جمال العدل عن إمكانية تعاونه مرة أخرى مع الفنان مصطفى درويش، بعد انسحابه من فيلم "الملحد".

وقال أثناء استضافته في برنامج "العرافة": "مش هشتغل معاه تاني، وهو كان معايا بقاله 10 سنين، لكن مش هشتغل تاني، بعد الموقف ده، لأ، إلا لو أنا قدرت أصفحله، وحسيت الموقف دمه تقيل في توقفت الناس كلها بتهاجم إبراهيم عيسى".

وأكد أنه لم يوقع معه عقد لمدة ثلاث سنوات كما أدعى "درويش"، وأضاف: "أنا عمري في حياتي ما مضيت مع حد أي عقود، أنا باتفق بالفم زي ما حصل مع الأستاذ جمال سليمان، اتفقنا نعمل 3 مواسم وعملناهم".

وكان الفنان مصطفى درويش قد أعلن انسحابه من فيلم "الملحد" إثر رفضه لتصريحات مؤلف العمل إبراهيم عيسى بخصوص الإسراء والمعراج.

وكان الإعلامي إبراهيم عيسى قال خلال تقديمه لبرنامجه "حديث القاهرة"، على قناة "القاهرة والناس"، إن واقعة الإسراء والمعراج لا يوجد فيها معراج، قائلاً: "طب إيه رأيك إن مفيش معراج، هتصدق إن مفيش؟ وكل قصة إنه طلع السما وشاف الناس اللي في السما وشاف الناس في النار كل دي قصة وهمية كاملة، دي كتب السيرة والتاريخ والحديث هي اللي بتقول، لكن هو مصدّرلك الكتب والقصص اللي بتقول حصلت".

"الملحد" إخراج ماندو العدل، بطولة حسين فهمي، أحمد حاتم، شيرين رضا، صابرين، تارا عماد، إنتاج أحمد السبكي.