أحمد العوضي: لم أقلق من التمثيل أمام زوجتي.. والمسلسل تحدٍ كبير لنا

كتب- محمد جمعة:

قال الفنان أحمد العوضي، إن دوره في مسلسل "اللي مالوش كبير" مع الفنانة ياسمين عبد العزيز مختلف تمامًا عن دوره في مسلسل "الاختيار" الذي قدم فيه شخصية الإرهابى هشام عشماوي.

وأضاف العوضي، خلال مداخلة هاتفية مع الإعلامية لميس الحديدي ببرنامج "كلمة أخيرة" المذاع على فضائية "ON"، مساء الإثنين: "قلقان لأني خارج من مسلسل الاختيار، وياسمين طالعة من مسلسل ونحب تاني ليه، وده في حد ذاته ضغط نفسى علينا، ولأننا كمان هنجتمع في عمل واحد، وده تحدي مقارنة بخوض كل واحد فينا عمل منفرد".

وتابع العوضي: "عايزين نقدم حاجة كبيرة وجديدة، عشان تليق بإننا نتجمع أنا وياسمين في عمل واحد، وأوعد المشاهدين إننا نبقى في الصفوف الأولى في السباق الرمضاني".

واستطرد العوضي: "ياسمين عاملة دور تقيل بشكل احترافي، ومش بقول كده عشان هي مراتي، لكن كنجمة متميزة أنا بمثل قدامها.. وملقتش صعوبة في عملي مع زوجتي، لأني ماعنديش حتة القلق من العمل قدام زوجتي، بالعكس الشغل كان مريح لي وليها، أنا ببقى مهتم إنها تطلع أحسن مني، وهيا كمان بتتمنى كده".