حمو بيكا عن حلمي بكر: "بيهاجم فينا وفي أغانينا.. لا للتنمر"- فيديو
تطبيق مصراوي
لرؤيــــه أصدق للأحــــداث
كتب- محمد خميس:
قال مطرب المهرجانات، حمو بيكا: "أنا طلعت قلت أني مش فنان وأني راجل مؤدي، لأن عندي حضور قدام الميكروفون"، متسائلًا: "لو أنا مش فنان زي ما هما بيقولوا إزاي أنا ليا الجمهور ده كله".
وأضاف "بيكا" في حواره لبرنامج "شيخ الحارة والجريئة" الذي تقدمه المخرجة إيناس الدغيدي، على فضائية "القاهرة والناس" اليوم الثلاثاء: "أنا مش بعمل نمرة لأني مش على مسرح، والنمرة بتكون لما بطلع أمثل، أنا مؤدي بعرف أقف قدام الجمهور وبعرف أفرحهم وأسعدهم ازاي".
وتابع، أن ما يقدمه لجمهوره لا يُعد "فنًا هابطًا": "لو أنا بغني فن هابط إزاي الجمهور هيقوم يتنطط ويرقص، مفيش الكلام ده"، موضحًا: "ليه كل واحد ناجح في مصر يتقال عليه هابط، لو أحنا هنرجع فالفن كله هابط، وحلمي بكر على راسي، وقال على نجوم كتير أوي أن فنهم هابط، زي ما قال على شعبان عبدالرحيم الله يرحمه أنه مش بيفهم حاجة في المزيكا".
واردف، مطرب المهرجانات موجهًا حديثه للملحن الكبير حلمي بكر:"متطلعش تهاجم فينا ودا فن هابط ودا لابس بلوزة حمرا، لا للتنمر"، موضحًا: "قابلت حلمي بكر في لجنة غنا، ووقفت غنيت قدامه ومحصلش نصيب، مقتنعش بيا بعد ما غنيتله حاجة لعبده الإسكندراني، ومكنش في إيقاع ومعرفتش، وقولتلهم مش عايز أدخل اللجنة عشان أنا هسقط، وسقطت عشان مكانتش الآلات مناسباني ومش بتاعتي".
فيديو قد يعجبك:
