محمود العسيلي: "محسن جابر فضله عليا.. والمنتجون معذورون"- فيديو

كتب- محمد خميس:

قال المطرب محمود العسيلي إن أي عقد احتكار لموهبة أو لأي فنان مع الوقت بيقضي على الموهبة وعلى الفنان ومستقبله.

وأضاف "العسيلي" في حواره لبرنامج "شيخ الحارة والجريئة" الذي تقدمه المخرجة إيناس الدغيدي، على فضائية "القاهرة والناس" اليوم الثلاثاء: " محسن جابر معملش حاجة غلط، ولكن هو هيكسب فلوس منين هو معذور، لأنه عشان يمضي مع موهبة جديدة لازم يكون في عقد احتكار، وحاجات يقدر يكسب منها فلوس ويطلع الموهبة في نفس الوقت".

وتابع:" مصادر الدخل الرئيسية للمطرب دلوقتي هي الحفلات والأفراح والإعلانات والتمثيل، واليوتيوب مش زي ما الناس فاكره خالص، والأرقام اللي ظلموا الناس بيها مش حقيقية"، موضحًا: "فلوس اليوتيوب بتيجي على المدار الطويل ومش بتغطي مصاريف الإنتاج".

وأكد: "محسن جابر له فضل عليا وراجل جميل ومحترم، والمنتجين مفيش حاجة بأيديهم".