إعلان

حلا شيحة: "مرعوبة من دوري في مسلسل خيانة عهد"- فيديو

12:59 ص الخميس 30 أبريل 2020

حلا شيحة

كتب- محمد خميس:

قالت الفنانة حلال شيحة: "أنا نفسي مرعوبة من دوري في مسلسل خيانة عهد"، مضيفة: "مش عارفه طلعت طاقة الشر دي منين، ولما بتفرج على نفسي بقول يا خبر أبيض هو أنا عملت كده ازاي، ولكن مفيش حاجة بتطلع لوحدها".

وأضافت "حلا" في مداخلة هاتفية لبرنامج "مساء دي إم سي" على فضائية "إكسترا نيوز" اليوم الأربعاء، أن طاقم العمل في مسلسل خيانة عهد قاموا بمجهود جبار، موضحة أن المخرج سامح عبدالعزيز قام بمجهود جبار معي والفنانة يسرا كذلك، كما أن الشخصية وكتابتها ساعدت على ظهور الشخصية والدور بهذه الصورة التي خرجت للمتابعين.

وتابعت: "كاتب المسلسل لما كلمني عشان يقولي على الدور قالي هتقفلي في وشي السكة، ولما حكالي عن كام حاجة، قولتله لا شكرا دي مش حتتى ولعبتي ومش بعرف اعمل الأدوار دي"، مضيفة: "قالي لا انتي الوحيدة اللي شايفين ينفع تعملي الدور دا لأنه مختلف عنك تمامًا، قولتله مش عارفة بس انا اترعب اعمل حاجة زي دي والناس متعودة عليا بشكل وأخاف يزعلوا مني، ولكني في النهاية قمت بعمله وبتفاجئ مع المشاهدين".

وأوضحت: "لسه بنصور وعلى يوم 25 رمضان هنكون بنخلص تصوير المسلسل، وأجواء التصوير في ظل كورونا صعبة جدًا، ولكننا شايفين أننا بنعمل حاجة مهمة ودا دورنا وهنقدمه للآخر، ويارب الجمهور يتفهم أن دا مجرد دور فقط، وأني متغيرتش دا الشخصية بتاعت البنك في المسلسل فقط".

استطلاع مصراوي

شارك برأيك.. ما هو أفضل مسلسل (15 حلقة) عرض في النصف الأول من شهر رمضان؟

جاوب واكسب مع فوازير مصراوي , للمشاركة أضغط هنا سارع بخروج زكاة الفطر _ زكاتك هتوصل للمستحقين مصراوي هيساعدك أضغط هنا

فيديو قد يعجبك: