بعد نجاح "هوجان"..محمد إمام يشكر جمهوره: "إنتوا اللي خلتوني أمضي عقد أعلى أجر في مصر"

03:35 م الإثنين 03 يونيو 2019
بعد نجاح "هوجان"..محمد إمام يشكر جمهوره: "إنتوا اللي خلتوني أمضي عقد أعلى أجر في مصر"

محمد إمام

كتب- مصراوي:
وجه الفنان محمد إمام، الشكر لجمهوره، عبر حسابه الشخصي بـ"إنستجرام"، بعد مساندته ودعمه له خلال الفترة الماضية، خاصة بعد النجاح الكبير الذي حققه مسلسله "هوجان" الذي يعرض حاليًا.
وكتب إمام في رسالته: "شيء مش سهل إن الواحد يثبت نفسه في نفس مجال أبيه.. خصوصاً لو الأب مش بس ناجح لأ ده كمان عدى مرحلة النجاح ووصل لمكانة ما حدش غيرُه وصلها...
وأضاف: اتهاجمت كتير واتحاربت أكتر.. بس عمري ما ركزت مع أي هجوم أو إحباط.. كان كل حياتي وتركيزي في شغلي ..
مجهود كبير في سنين كتير علشان أثبت نفسي في شغلانة بحبها من كل قلبي.. بس جمهورها مش بيرحم وصعب جداً ابن فنان ينجح فيها.. لحد ما أنتوا اللي خليتوا أفلامي من أعلى الإيرادات ومسلسلاتي من أعلى المشاهدات.
واستطرد: شكراً لكل اللي وقف جنبي وشجعني.. إنتوا السبب بعد فضل ربنا سبحانه وتعالى إني أمضي عقد بأعلى أجر في مصر.. وشكراً لكل اللي حاربوني .. إنتوا خلتوني أقوى بكتير.. فخلوا بقى موضوع الزعيم على جنب وخلونا نشوف أكل عيشنا علشان اللي جاي ما جاش زيه"
يذكر أن محمد إمام خاض السباق الرمضاني هذا العام بمسلسل "هوجان" بطولة كريم محمود عبدالعزيز، ومحمد أسامة، وصلاح عبدالله، وإخراج شيرين عادل.

View this post on Instagram

A post shared by Mohamed Emam (@mohamedemam) on

إعلان

إعلان