رحلة نجاح جيكا.. من صنايعي دون أجر لصاحب مطعم شهير بالشرقية

12:51 م الأحد 28 فبراير 2021
رحلة نجاح جيكا.. من صنايعي دون أجر لصاحب مطعم شهير بالشرقية

رحلة نجاح جيكا

كتبت- آية الله الجافي:

شاب بسيط من قرية ريفية بمحافظة الشرقية، بدأت قصة طموحه ونجاحه منذ عام 2000: "أنا معايا دبلوم زراعة، ووقتها كان المتاح قدامي شغل في المعمار أو سفر بره أو شغل في مصنع بلا مستقبل.. شوفت واحد صاحبي شغال فطاطري عجبني فكرة انه بيصنع لقمه من مايه ودقيق طلبت منه يعلمني الصنعة".. ولكن صديقه اشترط عليه أن يُعلمه دون أجر وظل يعمل لفترات طويلة دون مقابل مادي حتى أصبح "مساعد صنايعي".

١_3

"بعدت عن الصنعة حوالي 3 سنين.. اشتغلت خلال الفترة دي في مجالات تانية في إسكندرية والساحل الشمالي ومكنش معايا فلوس إيجار شقة وكنت بنام في الشارع"، حاول بعد ذلك في عام 2008 أن يهاجر هجرة غير شرعية لإيطاليا ولكنه فشل: "بس رغم كل حاجة كنت بفكر دايما في في أي صنعة وحسيت إني أقدر أبدع فيه واقدم حاجه من صنع إيديا للناس".

٢

"كل الناس كانوا ضدي في البداية.. وشايفين الفشل هو نهايتي.. كنت دايما مبدافعش عن نفسي وسايبهم يتكلموا وأقول جوايا بكره هوصل ويندموا"، واجه علاء مصاعب عديدة عند افتتاح مطعمه في عام 2014، كان أشدها عليه؛ الديون وعدم توافر السيولة المالية بما دعاه أن يلجأ لمشاركة أحد الأشخاص ليدعمه ماديًا: "بعد فترة حصل خلافات مع شريكي ومضيت على وصولات أمانة بتلزمني أدفعله كل شهر خمسة آلاف جنيه لحد ما أسددله فلوسه".

خلال عام كامل كان علاء يجتهد حتى يفي بالتزامه المادي لشريكه إلى جانب سعيه لتحقيق حلمه في نجاح المطعم "محدش كان واقف جنبي وقتها غير مراتي اللي قررت تحارب معايا للنهاية.. كنت بنام في المحل وشغال شيف وكاشير وديلفري وسفرجي.. الوقت ده كل العالم كان بيتفرج عليا ويتريق ويقولولي المحل ده هيفشل إلا هي".

٣_1

"بعتبر جورنو الكلب بتاعي سبب كبير في نجاحي"، بعدما احتفل التركي بخطوبته فوجئ بعد عودته للمنزل بأن سيارة قد صدمت كلبه بما جعله غير قادر على السير:" الكلب احتاج عملية وعلاج طبيعي هيتكلف مبلغ كبير بالنسبالي.. وقتها مكنش معايا أي فلوس والناس قالتلي أرميه.. فوجئت بخطيبتى باعت الدهب بتاعها وجمعنا المبلغ وعملناله العملية.. وأول ما الكلب خف العالم كله اتغير حواليا.. المطعم أشتهر وربحه زاد بسرعة.. حسيت ان تعب الكلب كان اختبار من ربنا علشان يشوفني هعالجه ولا أرميه وبعد 6 سنين تعب، حسيت إني عملت حاجة".

٤_2

"من إنتاج مزارعنا" هي الجملة التي يحلم صاحب مطعم جيكا أن يضيفها على علبة البيتزا الخاصة بمطعمه: "بسعى يكون عندي مزرعة أطلع منها لحوم وطماطم ودقيق وخضار وكل حاجة ليها علاقة بشغلي.. وأن المطعم يبقا سلسلة مطاعم عالمية.. النجاح هو أن الناس شافتني قدوة بعد ما كانوا بيوصفوني بالفاشل".

٥_4

Corno symptom

كورونا.. لحظة بلحظة

كورونا فى مصر

  • 237410

    عدد المصابين

  • 176763

    عدد المتعافين

  • 13904

    عدد الوفيات

كورونا فى العالم

  • 158943985

    عدد المصابين

  • 136434512

    عدد المتعافين

  • 3305950

    عدد الوفيات

إعلان

Masrawy Logo loader

إعلان

  • خدمة الاشعارات

    تلقى آخر الأخبار والمستجدات من موقع مصراوي