"لسه متعلمناش وبرده هنتدخل".. تعليق من السيسي على واقعة النصب في 300 مليون جنيه

وجه الرئيس عبدالفتاح السيسي بضرورة المتابعة المستمرة والوثيقة لمسألة احترام العقود المبرمة مع المواطنين، خاصة فيما يتعلق بالمشروعات العقارية، وعدم التأخير في تسليم الوحدات وإنشاء البنية الأساسية والمرافق المرتبطة بها.

وقال الرئيس السيسي: "هنا هتكلم في نقطة مهمة أوي، امبارح في تقرير جايلي على إن مواطنين ادوا لحد فلوس علشان يستثمر ليهم فيها وبعدين نصب عليهم في 300 مليون جنيه وبعدين بيطالبنا إننا نتدخل.. احنا هنتدخل لكن احنا مشوفنكش وأنت بتعمل كدا، وما أقرناش إنك تعمل كدا".

وأضاف "السيسي"، خلال احتفالية المولد النبوي الشريف بالعاصمة الإدارية الجديدة: "عندنا بنوك، لو فيه بنك من البنوك المصرية تقاعست عن أداء عوائد الأموال المحطوطة فيها هنسأل عن دا، لكن مواطن قال للمواطنين هشغل فلوسكم واديتوا ليه الفلوس.. طب احنا لسة متعلمناش وبقالنا 40 سنة بيحصل النصب دا ولسة بنعمل دا تاني، ولكن بردوا هنتدخل".

وقال الرئيس السيسي، فيما يتعلق بالعقود: "أنا قلت للحكومة في هذا الأمر يتم الآن مراجعة شاملة بين أجهزة الدولة المختلفة على كل المطورين العقاريين والتزاماتهم تجاه المواطنين، وفي هذا الموضوع سأكون حادًا، وكل من أخذ فلوس الناس بالتزام بعقود بين الطرفين مواطن ومطور عقاري ملتزم بتنفيذ هذا التعاقد في التوقيت المحدد للعقد، وغير ذلك سنتخذ ضدهم الإجراءات القانونية".

وتابع:"حبيت أقول هذا النقطة لأننا مش هنسيبها".

اقرأ أيضًا:

بطاقة التموين اتوقفت؟ خطوات التظلم وإعادة الدعم بعد تحديث البيانات

بالمستندات والشروط.. الصحة تفتح باب العمل بالمجالس الطبية المتخصصة

قانون العمل الجديد يحسم عدد أيام الإجازة السنوية.. اعرف حقك