عمرو أديب ساخرًا من "قاع الهامور": فجأة بقى موضوع أمني وسياسي حساس

علق الإعلامى عمرو أديب، عبر حسابه على منصة "إكس"، على تصدر "قاع الهامور" قائمة التريند، متسائلًا عن الطريقة التي تحول بها الموضوع إلى قضية ذات طابع أمني وسياسي، مع تداول روايات متباينة بشأنه.

وقال أديب: "طيب بصرف النظر عن موضوع الهامور والبلطي والحاجات اللطيفة دي، استرعى انتباهى كيف تنجح مصر فى خلق الفيلم وإخراجه وإنتاجه. فجأة بقى موضوع أمنى سياسى حساس، مين قال محدش عارف، البلد مهزوزة وفيه اضطرابات، مين قال محدش مش عارف، وبعدين الناس اللى مش عارفة ردت على الناس اللى متعرفش برضه، إنه مصر أقوى من الهامور والوقار".

وأضاف: "وبعدين ظهرت فئة ثالثة متعرفش حاجة برضه، إن دول إخوان طبعًا وتنظيم دولى كمان. فيه مجموعة رابعة مش مطلعة خالص أكدت إن الدولة بتدرس الموضوع وبتقيّمه».

وتابع أديب: "مصر جميلة عملت الهامور ودبحت الهامور، وخلته ترند نمرة واحد".

واختتم الإعلامى تعليقه قائلًا: "بس موضوع السد مش وقته، ومصاريف المدارس بعدين، والدعم العينى له رب يحميه، وتعادل الزمالك مش فى الأجندة، أما الهامور هو الأعلى والأهم".