السيسي يشهد تخرج الدورة الثالثة لأئمة وزارة الأوقا
تابعنا على
وجه الرئيس عبدالفتاح السيسي، بدراسة إلحاق عدد من الأئمة المتميزين للدراسة بكلية الدفاع الوطني.
جاء ذلك خلال حفل تخرج الدورة الثالثة لأئمة وزارة الأوقاف بالأكاديمية العسكرية المصرية.
وتابع الرئيس: "فكروا في ده، وهيكون لينا كلمة خلال الأيام القادمة، وهنعلن عن ذلك سواء لهؤلاء الدارسين أو الدورة القادمة، بأننا ننتقي منهم المتميز ونعطي فرصة أخرى للمعرفة".
وقال الرئيس السيسي: "محتاج من اللواء ترك والفريق أحمد خليفة ندرس إننا ناخد حد منهم يدرس في كلية الدفاع الوطني، مجموعة منهم اتنين أو تلاتة أو أربعة، ونشوف التجربة دي هتفرز لينا إيه".
وأضاف الرئيس: "يا دكتور أسامة "وزير الأوقاف" اسمح لي أتوجه لك، وأتوجه لوزارة الأوقاف والدفعة اللي بتتخرج بالتهنئة، وتمنياتي ليكم بالتوفيق".
وتابع: "كنت قلت لي إن فيه 10 تقييمهم هما الأفضل، والعشرة الأوائل، ما كنتوش طلعتوهم علشان نحييهم ونشكرهم، أنت قلت إن فيه ناس متميزة في اللغة والقراءات، طب إحنا جاتلنا فرصة نختبر ده ونشوفه أثناء وجودنا هنا، فإحنا هنبني عليه".
وأوضح: "أنا معنديش حاجة دلوقتي أقولها نبني نعمل إيه، هل اللغات نطور أكثر من كده وناخدهم نديهم دورات ودراسات أكبر من كده مع بعض؟".
وأضاف: "الحاصلين على ماجستير فرصة إنهم ياخدوا الدكتوراه، ونبقى برضه استفدنا منهم وأفدناهم أكتر في المعرفة، وأنا بطرح دا معاكم".
وقال: "بعضهم مستعدين تطلعوهم بعثات خارجية للتعليم، وده هيكون محتاج تقييم حقيقي أكتر لقدرتهم على استيعاب بعثات مثل ذلك".
وختم قائلًا: "تقييمهم اللي هنا متأكد إنه كويس، لكن أنا بتكلم لو عاوزين تاخدوا حد منهم يطلع يسافر وياخد مثلًا ماجستير أو دراسات عليا بره، خاصة لو اللغة مستقرة عندهم بشكل كويس".
