السيسي: "لو وريتكم فيلم من اللي كان بيحصل في سيناء مش هتناموا بعدها"

كتب- إسلام لطفي:

قال الرئيس عبد الفتاح السيسي، إنَّ الحرب في سيناء لم تكن بسيطة، مضيفًا: إحنا لو جبنا الأفلام اللي هي مش بتاعتنا عشان متقولوش أنه تصويرنا وهي موجودة على النت، وتشوفوا حجم الخسائر والدمار والخراب اللي اتعمل والناس اللي ماتت، ولولا رأفة بيكم أوريكم فيلم واحد والله العظيم بيتهيألي كل المصريين ما هتنام لو أذعتلكم الفيلم ده، على اللي كانوا بيعملوه وكان متصور.

وأضاف السيسي، خلال الندوة التثقيفية الـ37 للقوات المسلحة بمناسبة الاحتفال بيوم الشهيد: إننا نشيل المصريين الهم باللي بيحصل في سيناء وده رأي السياسة، اللي هو تقدير موقف سياسي وحشد الرأي العام وراء القيادة السياسية في مواجهة الإرهاب اللي موجود ويكون غطاء لأي حاجة لغاية ما الأمور تتحسن، وده شكل.

وتابع: وفيه شكل تاني أنه يجري بكل همة وكل ما أوتي من قدرة هو وزمايله، لإنهاء المشكلة دي وكمان بناء البلد اللي كانت ظروفها صعبة جدًا وتزايدت الأمور بالأوضاع بتاعت 2011 و2012 و2013.

واستطرد: إحنا خدنا الطريق التاني أن فيه ناس ولادنا بيحاربوا هناك وبرده البلد بتحارب هنا معركة تانية، والحمد لله أُنجزت هذه المهمة بنجاح، وبالمناسبة بعد ما سمعوني لما قولت الكلمتين دول فقالوا يعملوا عملية عشان يأكدوا أنهم لسه موجودين، عشان كده لازم نكون دايمًا منتبهين وزي ما بيقولوا يفضل السلاح صاحي.​