السيسي: أنا من الناس اللي حضرت الأحداث وشافتها

كتب- إسلام لطفي:

ألقى الرئيس عبد الفتاح السيسي، كلمة بمناسبة ذكرى يوم الشهيد الذي يحل 9 مارس من كل عام، قائلًا: أنا من الناس اللي حضرت الأحداث وشافتها وهي بتترتب بشكل أو بآخر، وزي ما شوفتوا الاحتفال كله وكل برنامج انهارده بيعكس حاجة واحدة بس أن مهما كانت الصعوبات اللي بتقابلنا والظروف الصعبة اللي بنواجهها بفضل الله سبحانه وتعالى الأمور بتعدي، آه فيه تمن كبير أوي اتدفع.

وأضاف خلال الندوة التثقيفية الـ37 للقوات المسلحة بمناسبة الاحتفال بيوم الشهيد: تكراري للكلام هو عرفان للأسر الموجودة معانا دلوقتي وحتى اللي مش موجودة، التمن كبير جدًا عندكم وكمان عند كل المصريين اللي بيشوفونا النهاردة، وبيحسوا أد إيه أن فيه تمن كبير اتدفع عشان تكون البلد دي في أمن وأمان وسلام.

وتابع: مهم أوي مش الرسالة بس للمصريين الطيبين وحتى للأشرار، لما حصل الكلام ده من سنين كنا بنقول أن الموضوع ده هينتهي في يوم من الأيام.​