هنوريكم كل حاجة.. السيسي: إقامة معرض للحرب على الإرهاب

كتب- محمد نصار:

أعلن الرئيس عبد الفتاح السيسي أنه سيتم إقامة معرض للحرب على الإرهاب في سيناء.

وأضاف السيسي، خلال كلمته في الندوة التثقيفية الـ37 للقوات المسلحة، اليوم الخميس: هنعمل معرض للحرب دي هنوريكم الحاجات اللي كانت موجودة، اللي بقيت يعني بس مش قليل، ده كتير أوي من سلاح وذخائر وأجهزة اتصال وكل ما تعنيه معدات حرب.

وتابع الرئيس: الموضوع هناك مكانش بسيط، الناس متعودة تشوف الحرب دبابات وطيارات والحاجات التقليدية، صدقوني الحرب دي كانت أكثر شراسة لأن العدو التقليدي معروف وتقدر تشوفه وتتعامل معها لكن ده مستخبي وسطنا وبخسة وجبن بيهاجمك ويجري، والناس بتبقى موجوعة على ولادها ومستقبل ولادها.

وواصل الرئيس السيسي: هنوريكم في المعرض صور بالاسم لكل اللي كانوا مجرمين هناك، الاسم والصورة لكل مجرم من المجرمين دول.​