احنا بنسابق الزمن.. السيسي يجيب عن سؤال: ليه مش مهتمين بالصناعة؟

كتب- أحمد السعداوي:

قال الرئيس عبد الفتاح السيسي، خلال افتتاحه مجمع الأسمدة الأزوتية بالعين السخنة، اليوم الأربعاء، إن تنفيذ أي مشروع مهما كان بسيطًا فطلباته من المياه والأسمدة وغيرهما تكون ضخمة جدًّا، وتجهيزه كمشروع هو موضوع آخر.

وطالب الرئيس السيسي وزير الزراعة بأن يرجع اللوحة رقم 9، قائلًا إن الأرقام الموجودة على اللوحة المرتبطة مثلًا بتوشكا وسيناء وغيرهما، بتتكلم في ثلاثة ونصف مليون فدان، ومع البدء في التوسع الأفقي كان لازم نطمئن على المياه، فقد يكون عنوان المشروع صغيرًا كالتنمية الصناعية والزراعية؛ ولتحقيقه هاخد وقت وجهد كبير.

وتابع الرئيس السيسي: عندما جئنا في مايو نفتتح مجمع الأسمدة الأزوتية، الناس قالت ليه بتصدروا الفوسفات مادة خام.. فعشان نعمل ده خدنا 3 سنين؛ كان جزء من الموضوع إن بقى عندنا غاز عشان نعمل أسمدة أزوتية.

وخاطب الرئيس الحضور: الكلام ده لينا كلنا؛ عشان تعرفوا ازاي الموضوع بيخرج للنور، وبالمناسبة الغاز الطبيعي أفضل استخدام له إنك تبيعه عشان يدخل في الصناعة.

وتابع الرئيس: خلال 8 سنوات عبر التعامل مع أفضل الشركات في العالم، كان جزء من المهمة ننجز في أسرع وقت.

وقال الرئيس السيسي: الناس بتقول ليه مش مهتمين بالصناعة؟ عشان هتاخد تكلفة وجهد كبير، نحو 800 مليون دولار؛ وعشان تعمل مصانع كتير فالموضوع هياخد وقت، وكان عندنا أولويات، فلازم يكون عندي طاقة كهربية لازمة وغاز.. إلخ؛ احنا بنسابق الزمن علشان الـ3 ونصف مليون فدان تدخل الخدمة.