الإعلامي محمود سعد عن والده: "طبعا بحترمه" لكن المحبة حاجة تانية (فيديو)

كتب- أحمد عبدالمنعم:

كشف الإعلامي محمود سعد، عن حقيقة تصريحاته عن علاقته بوالده، موضحًا في بث مباشر عبر صفحته الرسمية بموقع التواصل الاجتماعي "فيسبوك،": ""أنا شفت إنسان قاسي، وما حكيتش أي قصص عن اللي حصل لي مع أبويا، لإني خايف من أمي لما أنزل لها التربة، لإنها هتزعل، وما حكيته مقتطفات سريعة عشان الناس ممكن تستفيد من الحكاية دي".

وأضاف: "لما عملت بث على فيسبوك، اتكلمت عن الراجل اللي انا لا بحبه ولا بحترمه، اللي مبيديش ورث لبنت، ويسيب مراته تشتغل وتتبهدل وهو قاعد على القهوة، الراجل اللي بينفصل عن زوجته ولا يرعى ولاده ماديًا ونفسيًا وفكريًا وكل حاجة النوع دة من الرجالة لا بحترمه ولا بحبه".

وأضاف: "لكن لما أتكلم عن أبويا، الأب محترم في كل الأوضاع لأنه أب، الأب كيان تاني لوحده ممكن تحبه أو لا تحبه، ولكن متكرهوش وأبويا كنت بحترمه جدًا".