​"حط فلوسه في فرن البوتاجاز فأكلتها النار".. مبروك عطية يعلق

كتب- أحمد عبدالمنعم:

علق الدكتور مبروك عطية، أستاذ الشريعة الإسلامية بجامعة الأزهر، على حادثة أحد الشباب من محافظة البحيرة وضع 420 ألف جنيه في فرن البوتاجاز وعندما أشعلت زوجته البوتاجاز حرقت الفلوس.

وقال "عطية"، في فيديو بث مباشر على صفحته الرسمية بموقع التواصل الاجتماعي "فيسبوك"، إن الحادثة في جملتها واحد أخطأ ما تتوصفش بأكتر من كدة ونتيجة الخطأ ضاع المال،

وأوضح: "كل واحد بيفكر من زاويته اللي جوزها مخبي عنها أمواله.. مفيش حد يغلط مراته إنها ولعت فرن البوتجاز من غير ما تبص، مين اللي قالك أن دة انتقام من ربنا.. هناك فرق بين انتقام الله وابتلائه".

وتابع: الابتلاء عايز صبر، يعني وهو بيخبي الفلوس في البوتاجاز مخطرش على باله يوم أن مراته هتولع الفرن ومخطرش علي باله إنها هتسأله فلوس مين دي يا عليش.. يقولها ساعتها الله وأعلم بظروفه مش فاضي يهرش في احتمالات كتير أوي إحنا ليه بنصر على علة واحدة"، قائلا: "انتقام الله دمار شامل.. وهناك فرق بين الانتقام والابتلاء".